ជំងឺដំបៅពោះវៀនធំ និងជំងឺ Crohn គឺជាជំងឺរលាកពោះវៀន ដែលការវិវត្តន៍របស់វាមានពេលជា និងលាប់ឡើងវិញ សារចុះសារឡើងជាច្រើនឆ្នាំ ។ វាជាជំងឺរាំុរៃដែលបង្កឱ្យមានវិបត្តិផ្លូវចិត្ត​ និងអាចឈានរកគ្រោះថ្នាក់ធ្ងន់ធ្ងរជាមហាររីក ។

ជំងឺទាំង២នេះមានលក្ខណៈស្រដៀងគ្នា ដែលគេពិបាកនឹងធ្វើការបែងចែក ។ ប៉ុន្តែគេអាចសំគាល់ឃើញថា ជំងឺដំបៅពោះវៀនធំ ប៉ះពាល់តែលើ Colon ឯ Crohn ប៉ះពាល់គ្រប់ផ្នែកនៃផ្លូវអាហារ ចាប់ពីមាត់ដល់រន្ធលាមក ។

មូលហេតុ

- កត្តាតំណរពូជ

- ច្រើនកើតនៅលើជនជាតិ Juifs

- កូនដែលឪពុកម្តាយ ជាបងប្អូនជីដូនមួយ ឬបងប្អូនជិត

- កូនភ្លោះ (monozygotes) មានសុកតែមួយ

- ទាក់ទងនឹងហ្សែនក្រូម៉ូហ្សូម

កត្តាបរិស្ថាន

- ជំងឺដំបៅពោះវៀនធំកើតលើអ្នកមិនជក់បារី ឬអ្នកឈប់ជក់បារី

- ជំងឺ Crohn កើតលើអ្នកជក់បារី

- របបម្ហូបអាហារមិនសូវមានកាកសំណល់ សំបូរស្ករ

- ការកាត់ខ្នែងពោះវៀន ជួយការពារការកើតការរលាកដំបៅពោះវៀនធំ (colite ulcereux)

អត្ថបទ៖ ណុច

ប្រភព៖ សាស្ត្រាចារ្យផ្នែកក្រពះពោះវៀន