Irezumi គឺជាសិល្បៈ សាក់បែបប្រពៃណីដ៏ល្បីល្បាញជាយូរលង់ណាស់មកហើយរបស់ប្រទេសជប៉ុន ពោលគឺតាំងពីខ្ទង់ឆ្នាំជាង ១៦០០ មកម្ល៉េះ។

សម្រាប់ការសាក់សិល្បៈ Irezumi មានជារូបផ្កា សត្វខ្លាំងៗដែលមានអំណាច រួមទាំងប្រវត្តិនិទានបែបទេវកថាជាដើម ដោយការសាក់ពិតជាមានការលំបាក ស្មុគស្មាញបំផុត និងការសាក់ប្រើពេលវេលាយូរណាស់ ពោលគឺទាមទារការមានបទពិសោធន៍ និងស្ទាត់ជំនាញបំផុត ឯអ្នកដែលសម្រេចចិត្តសាក់រូប Irezumi នេះ ក៏ត្រូវអត់ទ្រាំនូវការឈឺចាប់បំផុតផងដែរ។ Irezumi ត្រូវបានគេដឹងថា អាចជួយពង្រឹងផ្នែកស្មារតី ថាមពល និងកម្លាំងដ៏ខ្លាំងក្លានៅក្នុងការសម្រេចកិច្ចការងារអ្វីមួយ។ ដោយកាលពីមុន អ្នកពន្លត់អគ្គីភ័យតែងតែសាក់រូបនេះ ដើម្បីពង្រឹងភាពក្លាហាន និងបញ្ចៀសវិញ្ញាណអាក្រក់ផងដែរ។

Irezumi ក៏ត្រូវបានគេជឿផងដែរថា ជាការបង្ហាញនូវអំណាច ទ្រព្យសម្បត្តិ ភាពជាអ្នកដឹកនាំ នាំឱ្យគេកោតខ្លាច ថែមទាំងអាចពង្រឹងថាមពលផ្លូវភេទផងដែរ។ តែក្រោយៗមក អ្នកដែលសាក់រូប Irezumi មានទំនោរទៅចូលរួមក្រុមអ្នកលេង Yakusa ដែលជាហេតុធ្វើឱ្យស្នាមសាក់មួយនេះត្រូវបានគេពេញនិយមតែក្រុមអ្នកលេង ហើយក៏ត្រូវបានគេហាមប្រាមនៅក្នុងការសាក់រូបនេះផងដែរ ដើម្បីចៀសផុតពីការចោទប្រកាន់ថាជាក្រុមសង្គមងងឹត។

ទោះជាយ៉ាងនេះក្តី ស្នាមសាក់នេះនៅតែមានការពេញនិយមទូទាំងពិភពលោកផងដែររហូតដល់សព្វថ្ងៃ ដូច្នេះមកតាមដានរូបសាក់ Irezumi ល្បីៗខាងក្រោមនេះ៖

រក្សាសិទ្ធ៖ SadLife