ភ្នំពេញ៖បុរសជនជាតិចិនម្នាក់ធ្វើដំណើរជិះម៉ូតូម៉ាកវ៉េវអាល់ហ្វាមួយគ្រឿងដឹកអីវ៉ាន់ឲ្យម៉ូយចុះពីលើម៉ូតូអែបនឹងរបងផ្ទះវីឡាមួយកន្លែងបាន ៥នាទីដួលស្លាប់បង្កឲ្យមានការភ្ញាក់ផ្អើលឡើងនៅ វេលាម៉ោង ៩:៣០ នាទីព្រឹកថ្ងៃទី ១២ ខែមករា ឆ្នាំ២០២១ ស្ថិតនៅតាមបណ្ដោយផ្លូវបេតុង ក្នុងភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ តាមប្រភពព័ត៌មានពីបងប្អូនប្រជាពលរដ្ឋបានដឹងថា ជនជាតិចិនដែលដេកស្លាប់នេះជាអ្នកដឹកបន្លែសាច់ឲ្យជនជាតិចិនគ្នាតាមផ្ទះ បន្ទាប់ពីដាក់អីវ៉ាន់ឲ្យភ្ញៀវរួចរាល់ហើយក៏អង្គុយសំរាកអែបផ្ទះល្វែងមួយកន្លែងក្នុងទីតាំងខាងលើ បានមួយសន្ទុះក៏ដួលដាច់ខ្យល់ស្លាប់ភ្លាមៗនៅកន្លែងកើតហេតុតែម្ដងបន្ទាប់មកប្រជាពលរដ្ឋបានរាយការណ៍ប្រាប់ទៅសមត្ថកិច្ចមូលដ្ឋានចុះមកកន្លែងទីតាំងកើតហេតុភ្លាមៗដើម្បីធ្វើការពិនិត្យតាមការសន្និដ្ឋានជំហានដំបូង ជំនាញកោសល្យវិច្ឆ័យបានបញ្ជាក់ឲ្យដឹងថាការស្លាប់របស់ជនជាតិចិនម្នាក់នេះគឺដោយសារគាំងបេះដូង ។

ក្រោយកើតហេតុសពត្រូវបានរថយន្តសាមុយដឹកបញ្ជូនទៅកាន់វត្តស្ទឹងមានជ័យដើម្បីរង់ចាំសាច់ញាតិយកធ្វើបុណ្យតាមប្រពៃណី៕ផេងភាព