មនុស្សមួយចំនួនពួកគេមិនសូវបានយកចិត្តទុកដាក់លើពេលវេលាជាធំឡើយ ពួកគេតែងតែមើលរំលងហើយរង់ចាំពេលវេលាដែលល្អ រឺសមស្របសម្រាប់ពួកគេទើបពួកគេចាប់ផ្តើមធ្វើ។ តើអ្នកធ្លាប់ដែលបានសួរខ្លួនឯងទេថាក្នុងរយៈពេលមួយថ្ងៃម្ភៃបួនម៉ោង តើអ្នកបានធ្វើអ្វីខ្លះហើយបានសម្រេចអ្វីមួយដែលរឺទេ។

រូបតំណាង

 អ្នកត្រូវដឹងថាពេលវេលាពិតជាសំខាន់ទោះបីជាមួយវិនាទីក្តី ព្រោះយើងមិនអាចយកវាមកវិញរឺទិញវាមកវិញបានឡើយ។ មនុស្សជាច្រើនតែងតែអន់ចិត្តជាមួយពេលវេលាដែលខ្លួនឯងមាន ហើយស្តីបន្ទោសថាពេលវេលាមិនយុត្តិធម៌សោះ។ សូមកុំគិតដូច្នេះអីពេលវេលា គ្រាន់តែជាការកំណត់មួយសម្រាប់ប្រើប្រាស់និងជួយពញ្ញាក់ស្មារតីដើម្បី ឲ្យការដំណើរការនៃជីវិតអាចកំណត់បាននិងមានព្រំដែន។

រូបតំណាង

 នៅក្នុងដំណើរជីវិតគេតែងតែគិតថាឪកាសគឺជាពេលវេលាដែលល្អបំផុត ព្រោះវាជាពេលវេលាមួយដែលអាចឲ្យពួកគេចង់បង្ហាញអ្វីដែលពួកគេចង់ធ្វើដូច្នេះហើយទើបគេត្រូវការឪកាស។ត្រឡប់មកវិញឪកាសជាពេលវេលាល្អសម្រាប់សម្រេចបំណងអ្វីមួយហើយយើងគួរតែរកចាំឪកាសនោះមកទើបយើង ចាប់ផ្ដើមធ្វើវាមែនទេ និយាយរួមមកឪកាស គឺវាមាននៅគ្រប់ពេលទាំងអស់ គ្រាន់តែយើងមិនបង្កើតវា មិនស្វែងរកវា ព្រោះអ្នកគិត ថាឪកាសនឹងរត់មករកអ្នកហើយគេនឹងបង្កើតឪកាសសម្រាប់អ្នក។ដូច្នេះបើអ្នកចង់បានអ្វីមួយ រឺចង់ធ្វើការងារអ្វីមួយសូមកុំដែលចាំពេលវេលា កុំគិតថាវាមិនទាន់ដល់ពេលធ្វើទេកុំអាលធ្វើអីចាំបន្តិចទៀត នោះដូចជាអ្នកកំពុងបោះបង់ចោលនូវឪកាសចោលផងដែរ បើអ្នកមានគោលបំណងត្រូវមានការតាំងចិត្តនឹងធ្វើវាជាប្រចាំ។

អត្ថបទ ÷ Confidence