ឡាវជាប្រទេសកាន់របបលទ្ធិកុម្មុយនិស្ត និង​ ទីផ្សារសេរី ។ ឡាវជាប្រទេសមួយដែលសំបូរដោយធនធានធម្មជាតិ និង​ សត្វព្រៃ​ តំបន់ភ្នំ​ ទឹកជ្រោះ​ជាច្រើន​ដែលជាអំណោយផលដល់វិស័យទេសចរណ៍។ ប្រទេសឡាវត្រូវបានគេដាក់រហ័សនាមថាជា " Battery of ASEAN" ដោយការផលិតអគ្គិសនីដ៏ធំមហិមា បានចែកចាយលក់ទៅប្រទេសអាសុីអាគ្នេយន៍ សាងចំណូលជូនជាតិយ៉ាងច្រើនមហាសាល ដែលបានមកពីការផលិតអគ្គិសនីចេញពីធម្មជាតិ ។ ប្រទេសឡាវបានជាប់ចំណាត់ជាប្រទេសអភិរក្សវិស័យអេកូទេសចរណ៍ដ៏ល្បីល្បាញ ហើយ​ ចំណូលដែលបានមកក៏មិនបាញ់ការលក់អគ្គិសនីផងដែរ ។ ក្នុងក្រខ្សែភ្នែករបស់ខ្មែរយើង ប្រហែលជាមានបងប្អូនខ្មែរមួយចំនួនតូចគិតថាឡាវគឺជាប្រទេសមួយ មិនសូវមានការរីកចម្រើនជឿនលឿន មិនសូវមានអនាម័យល្អ ប្រជាជនមិនសូវមានការរួសរាក់ទាក់ និង​ ពិបាកប្រស័យទាក់ទង តាមការពិតគឺពិតជាខុសពីអ្វីដែលយើងធ្លាប់បានគិត។ ដូចច្នេះ​ Slapemotionx​ TV​ និង​ លើកយកទិដ្ឋភាពតំបន់អេកូទេសចរណ៍ធម្មជាតិនៃទិសខាងត្បូងប្រទេសឡាវក្នុងខេត្តចំប៉ាសាក់ដ៏ល្បីល្បាញ។ ខេត្តចំប៉ាសាក់គឺជាទីក្រុងតូចមួយដែលពួនសម្ងំយ៉ាងស្ងៀមស្ងាត់នៃទិសភាគខាងត្បូងប្រទេសឡាវ វាជាកន្លែងដែលមានមន្តស្នេហ៍បំផុត និង​ ​ជាឋានសួគ៌សំរាប់ភ្ញៀវទេសចរណ៍បែបអេកូទេសចរណ៍ធម្មជាតិ ។

ហេតុអ្វីត្រូវទៅលេងខេត្តចំប៉ាសាក់

រឿងចំបងដែលទាក់ទាញអ្នកទេសចរណ៏ទៅទីនោះគឺមានកន្លែងទាក់ទាញទេសចរណ៍ ឬ​ ទេសភាពធម្មជាតិស្រស់បំព្រងធំជាច្រើនដែលអាចមើលឃើញនៅខេត្តចំប៉ាសាក់ប៉ុន្តែភាពទាក់ទាញនៃទីក្រុងដ៏ស្ងៀមស្ងាត់នេះពិតជាសាកសមនឹងដំណើរកម្សាន្តបែបធម្មជាតិ​ ស្រូបយកខ្យល់បរិសុទ្ធ និង​ សិក្សាបន្ថែមពីធម្មជាតិផងដែរ។ ចំប៉ាសាក់ក៏ជាតំបន់ល្អបំផុតក្នុងការរុករកតាមរយៈការជិះកង់​រឺម៉ូតូតាមរយះផ្លូវលំឫតាមភូមិជុំវិញទីក្រុងគឺជាវិធីល្អដើម្បីចូលអោយដល់ជ្រៅនៅក្នុងរសជាតិនៃវប្បធម៌ឡាវ។ អ្នកពិតជាត្រូវការមួយថ្ងៃឬពីរថ្ងៃប៉ុណ្ណោះដើម្បីមើលអ្វីដែលអ្នកត្រូវការ។

ពេលណាត្រូវទៅចំប៉ាសាក់

ជាទូទៅពេលវេលាល្អបំផុតក្នុងមួយឆ្នាំក្នុងការធ្វើដំណើរកម្សាន្តនៅប្រទេសឡាវគឺអំឡុងខែតុលាដល់ខែមេសាជាពិសេសខែវិច្ឆិកា-មករា។ ទាំងនេះគឺជាពេលវេលាដ៏ត្រជាក់បំផុតប្រចាំឆ្នាំ។ ខែមីនានិងមេសាគឺជាខែដែលក្តៅបំផុតហើយសីតុណ្ហភាពខ្ពស់នាពេលបច្ចុប្បន្ននៃឆ្នាំនេះបង្កឱ្យមានលក្ខណះមិនស្រួលសម្រាប់អ្នកដំណើរភាគច្រើន។

កន្លែងស្នាក់នៅចំប៉ាសាក់

ក្រុងចំប៉ាសាក់ត្រូវបានព័ទ្ធជុំវិញផ្លូវធំមួយដែលមានរង្វង់មូល។ ផ្លូវនេះលាតសន្ធឹងតាមដងទន្លេមេគង្គហើយភាគច្រើននៃទីប្រជុំជនអាចធ្វើដំណើរដោយផ្ទាល់លើផ្លូវនេះឬអាចទៅដល់ពីតំបន់សំខាន់នេះ។ ជម្រើសកន្លែងស្នាក់នៅនៅខេត្តចំប៉ាសាក់ភាគច្រើនមានមូលដ្ឋានគ្រឹះជាផ្ទះសំណាក់ សណ្ឋាគារ​ ឫ​ រីសតតែម្ដង។ តែអ្វីដែល Slapemotionx TV ចង់ណែនាំនោះគឺ ផ្ទះដើមឈើដែលហ៊ុមពទ្ធ័ដោយធម្មជាតិ ព្រៃភ្នំ​ ទឹកជ្រោះទើបវាសាកសមសំរាប់ការមកក្រេបជញ្ជាក់អុកសុីសែនធម្មជាតិពិតៗ ដោយគ្មានការលាយឡំជាមួយជាតិពុល ។ ក្នុងនោះ​ដែរ​យើងក៏អាចជិះខ្សែរ៉តមើលទឹកជ្រោះ ផឹកកាហ្វេមើលទឹកជ្រោះតាមតែយើងចង់ ប៉ុន្ដែរបៀបនៃការទស្សនានោះពិតជាមានភាពរន្ធត់បន្ដិចប៉ុន្ដែវាធ្វើអោយយើងទទួលបាននៅបទពិសោធន៍ និង​ អារម្មណ៍ប្លែកដែលមិនធ្លាប់មាន។

របៀបធ្វើដំណើរជុំវិញចំប៉ាសាក់

ការធ្វើដំណើរជុំវិញទីក្រុងងាយស្រួលដោយថ្មើរជើង ឬ កង់(កង់អាចជួលពីផ្ទះសំណាក់) ចំប៉ាសាក់គឺជាក្រុងតូចដូច្នេះអ្នកមិនចាំបាច់ធ្វើដំណើរឆ្ងាយដើម្បីដើរជុំវិញនោះទេ។ ការជួលម៉ូតូក៏ផ្តល់ឱ្យអ្នកនូវឱកាសដើម្បីស្វែងយល់បន្ថែមទៀតនៅជុំវិញតំបន់ដូច្នេះប្រសិនបើអ្នកពិតជាចង់បង្កើនពេលវេលារបស់អ្នកឱ្យបានច្រើនបំផុតនៅចំប៉ាសាក់និងមើលឃើញឱ្យបានច្រើនតាមដែលអាចធ្វើទៅបាននោះគឺជាផ្លូវដែលត្រូវទៅ។

តើធ្វើដូចម្តេចដើម្បីទៅនិងមកពីចំប៉ាសាក់

ខេត្តចំប៉ាសាក់គឺជាមជ្ឈមណ្ឌលដឹកជញ្ជូនដ៏សំខាន់មួយនៅក្នុងខេត្តចំប៉ាសាក់និងភាគខាងត្បូងប្រទេសឡាវ ។មានស្ថានីយ៍រថយន្ដក្រុងចំនួន ៤ នៅក្រុងចំប៉ាសាក់វាងាយស្រួលរកឡានក្រុងទៅកន្លែងណាដែលអ្នកត្រូវទៅបន្ទាប់មិនថានៅប្រទេសឡាវរឺទៅប្រទេសជិតខាងទេអ្នកអាចជិះរថយន្តក្រុងទៅថៃ (បាងកក​ ឫ អ៊ូប៊ុនរតថានី) ឫកម្ពុជា សៀមរាប ក្រចេះ ភ្នំពេញ​ ឬ​ តាមរយះច្រកព្រំដែនដុងក្រឡរបស់ខេត្តស្ទឹងត្រែង ។ មានឡានក្រុងប្រចាំថ្ងៃរវាងប៉ាក់សេនិងទីក្រុងមួយចំនួននៅក្នុងខេត្តចំប៉ាសាក់មកកាន់ វៀតណាម កម្ពុជា​ និង​ ថៃជាច្រើនវេនផងដែរ។ បើយើងមកពីខ្មែរយើងក៏អាចស្នើសុំឡានផ្ទាល់ខ្លួនចូលមកកំសាន្ដនៅក្នុងប្រទេសឡាវផងដែរ តម្លៃក្នុងការស្នើសុំប្រហែល ៤០-៥០$ ក្នុងមួយគ្រឿង។ ខេត្តចំប៉ាសាក់ក៏មានអាកាសយានដ្ឋានមួយនៅប៉ាក់សេដែលផ្តល់នូវជើងហោះហើរទៀងទាត់ទៅកាន់ទីក្រុងវៀងចន្ទន៍ សៀមរាប បាងកក​ និង​ ទីក្រុងហូជីមិញផងដែរ។

តើចំប៉ាសាក់ជាកន្លែងមានសុវត្ថិភាពក្នុងការមកកំសាន្ដ?

ក្តីបារម្ភអំពីសុវត្ថិភាពនៅប្រទេសឡាវនៅមានកម្រិតល្អហើយប្រសិនបើអ្នកមានការប្រុងប្រយ័ត្នជាមូលដ្ឋានក្នុងការធានារាល់ទ្រព្យសម្បត្តិដែលមានតម្លៃក៏ដូចជាការរក្សាសុវត្ថិភាពនៅលើផ្លូវថ្នល់ (ប្រសិនបើអ្នកជួលម៉ូតូ) នោះអ្នកមិនគួរមានអ្វីត្រូវព្រួយបារម្ភនៅទីនេះទាក់ទងនឹងសុវត្ថិភាពនោះទេ។

បើគិតថាអត្ថបទនេះមានប្រយោជន៍ សុំ​កុំភ្លេច​ធ្វើការ​ Share ទៅកាន់មនុស្សជាស្រលាញ់របស់អ្នក ។ បើចូលចិត្តសុំកុំភ្លេច​ Like និង​ Follow​ ដើម្បីទទួលបានព៌តមានមានប្រយោជន៍ថ្មីៗ ៕

គាំទ្រនៅអត្ថបទតាមរយះធានាគារ ABA :

អត្ថប​ទដើមដោយ : Slapemotionx TV