ភ្នំពេញ ៖ កាលពីរសៀលថ្ងៃទី១៧.០២.២០២១ លោក វរសេនីយ៍ទោ ហាក់ លី (ហៅពៅ) នាយរងការិយាល័យប្រឆាំងជួញដូរមនុស្សនៃស្នងការរាជធានីភ្នំពេញសមត្ថកិច្ច ឃាត់ខ្លួនហើយ ពេលនេះកំពុងតែពុងរង់ចាំទទួល បទបញ្ជាពីតំណាងអយ្យការអមសាលាដំបូង ខេត្តព្រៃវែង ដើម្បីបញ្ជូនខ្លួនទៅចាត់ការតាមនីតិវិធី។

សូមជម្រាបផងដែរថាដើមហេតុដែលឈានដល់ការ ឃាត់ខ្លួនលោកហាក់ លី នេះគឺដោយសារតែលោកបានប្រើប្រាស់អំពើហិង្សាទៅលើនារីម្នាក់ដែលជាម្ចាស់KTV មួយកន្លែងមានឈ្មោះថា (ជំនោរមករា)ស្ថិតនៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង។

ពេលនោះបន្ទាប់ពីចូលច្រៀងនឹងផឹកបានមួយសន្ទុះស្រាប់លោក វរសេនីយ៍ទោ ហាក់ លី (ហៅពៅ) នេះកើតអារម្មណ៍ថាចង់រួមភេទភ្លាមនោះលោក ហាក់ លី ក៏បានបបួលនារីកំដរនៅក្នុងនោះម្នាក់ដែលមានឈ្មោះថា (អាមុី ) ទៅផ្ទះ សំណាក់ជាមួយខ្លួន ប៉ុន្តែពេលនោះអាមុី បានបដិសេធមិនព្រមទៅជាមួយទើបធ្វើឲ្យវរសេនីយ៍ទោ ហាក់ លី (ហៅពៅ)នេះ កើតមានអារម្មណ៍ក្តៅក្រហាយយ៉ាងខ្លាំងតែម្តង ។

ដោយសារ តែកំហឹងទើបធ្វើឲ្យលោក ហាក់ លី បានអុកឡុកប្រើអំពើហិង្សា ទៅលើម្ចាស់ហាងនិងសន្តិសុខ រហូតហ៊ានដកកាំ ភ្លើងខ្លីមកអាម៉េគំរាមសម្លាប់ថែមទៀតផង ៕