មានផ្ទៃមុខស្អាតដែលមើលទៅស្រស់ស្អាត ច្បាស់ និងក្មេងជាងវ័យដែលមនុស្សគ្រប់គ្នាចង់បាន អ៊ីចឹងហើយមនុស្សជាច្រើនបានព្យាយាមរកវិធីផ្សេងៗដើម្បីប្រើសម្រាប់ស្បែកមុខរបស់ខ្លួនឯង ប៉ុន្តែដឹងដែរឬទេថាគ្រាន់តែយើងលាងមុខបានត្រឹមត្រូវនឹងជួយអោយយើងមានមុខស្រស់ស្អាតដោយមិនងាយកើតមុន។  វិធីទាំង ៥ យ៉ាងដើម្បីលាងសម្អាតមុខរបស់អ្នកអោយស្បែកស្រស់ស្អាត

1. ជូតគ្រឿងសម្អាងមុនពេលលាងមុខ

ការជូតគ្រឿងសម្អាងចេញមុនពេលលាងសម្អាតមុខរបស់អ្នកដោយRemover វានឹងជួយសម្អាតមុខបានមួយជំហាន ដូច្នេះការលាងសម្អាតស្បែកមុខគឺវាមានភាពងាយស្រួលខ្លាំង ព្រោះតែគ្រឿងសំអាងខ្លះមិនអាចលាងសម្អាតដោយសាប៊ូឬពពុះសម្អាតធម្មតាបានទេ ដូច្នេះហើយត្រូវចាំបាច់ក្នុងការសមា្អតដោយ Remover ជាមុនសិន។

រូបតំណាង

២- លាងមុខរបស់អ្នកថ្នមៗ 

លាងមុខខ្លាំងៗគឺមិនបានធ្វើឲ្យផ្ទៃមុខស្រស់ស្អាតឡើងទេ ប៉ុន្តែអាចបណ្តាលឱ្យស្បែកមុខមានការរបកនិងមានការរលាក ម៉្យាងទៀតត្រដុសមុខខ្លាំងៗ វាក៏ជាហេតុផលមួយដែលធ្វើឲ្យមានផ្ទៃមុខជ្រួញមុនវ័យទៀតផង ដូច្នេះយកល្អគួរតែលាងមុខយ៉ាងថ្នមៗដើម្បីចិញ្ចឹមស្បែកមុខ។ដោយការលាងមុខឲ្យបានត្រឹមត្រូវនោះជាដំបូងយើង ច្របាច់យកហ្វូម ដាក់លើបាតដៃ បន្ទាប់មកយកហ្វូម នោះត្រដុសនៅលើផ្ទៃមុខរួចម៉ាស្សាថ្នមៗមួយសន្ទុះ បន្ទាប់មកលាងសម្អាតចេញឲ្យសព្វ។ដែលសំខាន់នោះគួរជ្រើសរើសសាប៊ូឬហ្វូមលាងមុខណាដែលទន់នៅលើស្បែក។

3. ជូតមុខរបស់អ្នកឱ្យស្ងួតដោយកន្សែង

ពេលលាងមុខរួចរាល់ហើយ ជូតមុខរបស់ឱ្យស្ងួតដោយកន្សែងហើយត្រូវជូតយ៉ាងថ្នមដៃបំផុត មិនត្រូវជូតខ្លាំងៗដាច់ខាត ហើយត្រូវរើសកន្សែងណាដែលស្អាតទន់មិនរឹងផងដែរ ដើម្បីកុំឲ្យមានការរលាកស្បែក។

រូបតំណាង

៤. ជូតសម្អាតមុខដោយToner

បន្ទាប់ពីលាងសម្អាតមុខរួចរាល់អស់ហើយ មុនពេលលាបក្រែមថែរក្សាស្បែកនោះ យើងគួរជូតមុខជាមួយ Toner ដើម្បីសម្អាតផ្ទៃមុខជាមុន ដើម្បីជាការសម្អាតមុខឱ្យបានស្អាតម្តងទៀត។Toner នឹងសម្អាតបានយ៉ាងពិសេសទៅក្នុងរន្ធញើស ហើយវាក៏ជួយថែរក្សាស្បែកបានទៀតផង។ប៉ុន្តែយើងក៏ត្រូវជ្រើសរើស Toner ណាដែលសមស្របជាមួយប្រភេទស្បែករបស់យើងដូចគ្នាដើម្បីទទួលបានលទ្ធផលល្អបំផុត។

៥- ចិញ្ចឹមស្បែកមុខជាមួយ Moisturizer(ជាតិសំណើម)

បន្ទាប់ពីលាងមុខឲ្យស្អាតរៀបរយហើយ គួរតែត្រូវបំប៉នជាមួយនឹង Moisturizer ភ្លាមៗ ដើម្បីបន្ថែមសំណើមឲ្យរលោងនិងទន់ដល់ស្បែក វាក៏ជួយស្តារស្បែកដែលស្ងួតនិងខូចដើម្បីត្រលប់ទៅជាស្បែកដែលមានសុខភាពល្អបានទៀតផង។ដូច្នេះកុំធ្វេសប្រហែសជាមួយការថែរក្សាស្បែករបស់អ្នកជាមួយ Moisturizer ដាច់ខាត ។

ការលាងមុខឱ្យបានត្រឹមត្រូវ វានឹងជួយសម្អាតមុខបានយ៉ាងល្អបំផុត និងធ្វើឱ្យស្បែកមុខស្រស់ស្អាតនូវអ្វីដែលលោកអ្នកចង់បាន។ ហើយថែមទាំងជួយកាត់បន្ថយបញ្ហាផ្ទៃមុខផ្សេងៗទៀតដែលអាចកើតឡើងបានទៀតផង ដូច្នេះចូរយើងលាងសម្អាតមុខនិងថែរក្សាស្បែកឱ្យបានត្រឹមត្រូវ។

រូបតំណាង

ប្រភព:Sanook

សម្រួល៖ រតនា

https://women.sanook.com/174661/?type=deeplink