កាលពីយូរយារណាស់មកហើយ នៅក្នុងព្រៃធំមួយមានសត្វទាជាម្តាយមួយបានបន្តបង្កើតពងរបស់ខ្លួនជារាងរាល់ថ្ងៃ ប៉ុន្តែនៅទីបំផុតពងចុងក្រោយរបស់គាត់ត្រូវបានខូចខុសប្លែកធំវែងខុសពីពងមុនៗ។ ច្រើនថ្ងៃកន្លងផុតទៅ ពងរបស់គាត់ត្រូវបានញាស់កូនទាបានផុសចេញពីស៊ុតរបស់គាត់ដូចកូនទាធម្មតា ប៉ុន្តែប្លែកតែពងដែលខូចចុងក្រោយរបស់គាត់ទេ ដែលញាស់មកដែលមានកវែងរោមពណ៌ប្រផេះដែលអាក្រក់ខុសប្លែកពីគេ។

រូបភាពតំណាង

ប៉ុន្តែពេលនោះ ម្តាយទាមានការងឿងឆ្ងល់យ៉ាងខ្លាំងចំពោះទានេះដោយគាត់គិតហើយនិយាយ ថា"វាមិនមែនជាកូនរបស់យើងទេ! ម៉េចក៏ឯងអាក្រក់បែបនេះ" ប៉ុន្តែម្ដាយទាដើម្បីចង់សាកល្បងកូនទាអាក្រក់នោះ ម្ដាយទាក៏និយាយថា "តើកូនម្ដាយចេះហែលទឹកដែលទេ​?" បន្ទាប់ពីម្ដាយទាអាក្រក់បានសួរដូច្នេះ កូនទាអាក្រក់ងើបហើយរត់ចុះមកហែលក្នុងទឹកយ៉ាងសប្បាយដូចកូនទា ធម្មតា។ ប៉ុន្តែកូនទាអាក្រក់នេះមិនសប្បាយចិត្តទាល់តែសោះ។ នៅពេលបងប្អូនកូនទាដទៃទៀតចេះតែសើចចំអកមើលងាយថាជាកូនទាអាក្រក់ដូចនេះ។

រូបភាពតំណាង

នៅថ្ងៃមួយកូនទាអាក្រក់បានរត់ភៀសខ្លួនចេញពីម្ដាយរបស់វាទៅនៅក្នុងព្រៃធំមួយ កូនទារស់នៅទីនោះអស់រយៈពេលជាច្រើនថ្ងៃដែល ឃ្លាតឆ្ងាយពីម្ដាយរបស់វា។ ថ្ងៃមួយក៏មានឆ្កែរត់លេងក្បែរកូនទាអាក្រក់នោះ ហើយឆ្កែឈប់សម្លឹងមើលទាអាក្រក់នេះបន្តិច ហើយក៏រត់ទៅបាត់ កូនទាអាក្រក់ឃើញដូច្នោះ ហើយវាក៏និយាយថា"ហេតុអ្វីខ្ញុំអាក្រក់បែបនេះ? រហូតដល់ថ្នាក់ឆ្កែមិនចង់មើលខ្ញុំទេ"។ បន្ទាប់ មកកូនទាដែលអាក្រក់នេះបានបិទភ្នែកដើររហូតដល់វាដើរដល់ស្រះធំមួយ។ ដូច្នេះវាក៏ឈប់ សម្រាកជាមួយនិងការអស់កម្លាំងរហូតដល់វាដេកលក់។ ប៉ុន្តែចៃដន្យមានកសិករចិត្តល្អម្នាក់បានជួបកូនទាអាក្រក់នេះ។ គាត់បាននាំយកកូនទាអាក្រក់ទៅផ្ទះកូនៗរបស់គាត់ប៉ុន្តែកូនកសិករឃើញកូនទា នេះហើយសប្បាយរីករាយណាស់ ហើយកូនកសិករនេះចង់ចាប់កូនទាអាក្រក់នេះលេងជាមួយ។

រូបភាពតំណាង

ដូច្នេះកូនកសិករបានដេញចាប់កូនទា រហូតដល់កូនទាខ្លាចហើយហើរឡើងទៅជាន់លើធុងទឹកដោះគោធ្វើឲ្យធ្លាក់បែកទឹកដោះគោអស់ ប្រពន្ធកសិករខឹងណាស់។ ក៏បានបោះកំណាត់ឈើទៅលើកូនទាអាក្រក់នោះ ហើយកូនទាបានរត់ចេញតាមទ្វារក្រោយរួចកូនទាអាក្រក់បានរត់គេចខ្លួនទៅនៅក្នុងព្រៃវិញ។កូនទាអាក្រក់បានហែលក្នុងទឹកបឹងធំមួយនិងរស់នៅទីនោះ អស់រយៈពេលជាយូរមកហើយ ឥឡូវកូនទាកាន់តែធំនិងខ្លាំងជាងមុន។ ថ្ងៃមួយកូនទាបានហោះហើរជុំវិញបឹងហើយឃើញមានបក្សីសរបីក្បាលហោះចូលក្នុងបឹងលេងដែលជាកន្លែងវារស់នៅ។

រូបភាពតំណាង

ទាបានគិតនៅក្នុងចិត្តរបស់វាថា"ប្រសិនបើខ្ញុំ ហោះចូលក្នុងហ្វូងបក្សីសរស្រស់ស្អាតទាំងបីនោះ វានិងប្រសើរជាងខ្ញុំរស់នៅម្នាក់ឯង ហើយកូនទាអាក្រក់នេះគិតនៅក្នុងចិត្តហើយមើលទៅស្រមោលខ្លួនវានៅក្នុងទឹក ប៉ុន្តែពេលនេះវាត្រូវមានការភ្ញាក់ផ្អើល ដែលបានឃើញស្រមោលខ្លួនវាថាជាសត្វស្វាដ៏ស្រស់ស្អាតទៅវិញ ហើយវានិយាយទាំងសប្បាយចិត្តថា "នៅពេលនេះយើងលែងជាកូនទាអាក្រក់ទៀតហើយ។ ប៉ុន្តែវាមានអារម្មណ៍ ថាមិនសូវសប្បាយចិត្តទាល់តែសោះវាបានគិតអំពីយប់មុនពេលវាជាកូនទាអាក្រក់។ បន្ទាប់មក កូនទាអាក្រក់ដែលគិតថាខ្លួនជាសត្វស្វាថ្មីនោះបានហែលទឹកលេងរួចក៏បានហោះចេញពីទឹក ជាមួយនិងអារម្មណ៍សប្បាយរីករាយថាខ្លួនជាសត្វស្វាថ្មីបានហោះហើរយ៉ាងសប្បាយរីករាយចូលទៅក្នុងហ្វូងបក្សីសរទាំងបីនោះ៕

រឿងនេះបង្រៀនអ្នកថា៖ទោះបីជាយើងមិនអាចជ្រើសរើសកើតបានក៏ដោយ ប៉ុន្តែយើងអាចជ្រើស រើសថាអ្វីដែលល្អបំផុតនោះ ប្រសិនបើអ្នកដឹងពីការអត់ធ្មត់រៀននិងតស៊ូប្រឆាំងនិងឧបសគ្គផ្សេងៗនិងអភិវឌ្ឍបទពិសោធន៍ជីវិតផ្ទាល់ខ្លួនរបស់យើង។ ហើយភាពទាក់ទាញដែលមាននៅក្នុងខ្លួនយើងនិងលេចចេញជាបណ្តើរៗ ការព្យាយាមនិងការតស៊ូដោយស្រឡាញ់ខ្លួនឯងឲ្យបានច្រើនវាល្អបំផុតសម្រាប់យើងម្នាក់ម្នាក់ៗ។

ប្រែសម្រួលដោយ រដ្ឋាដេវីត

ចុចទីនេះឆែកមើលប្រភពដើម: baby kapook