Valentine’s Day ឬគេហៅម្យ៉ាងទៀតថា ទិវាបុណ្យនៃ​សេចក្តីស្រឡាញ់ ត្រូវបានគេប្រារព្ធ​ឡើង​នៅថ្ងៃទី14 ខែកុម្ភៈ។

ជារៀងរាល់ឆ្នាំមនុស្សជាច្រើន តែងយកថ្ងៃនេះ បង្ហាញពីទឹកចិត្តរបស់ខ្លួន ចំពោះអ្នកដែលគេស្រឡាញ់​តាមរយៈការទិញកាដូ បាច់ផ្កា ឬចំណាយ​ពេល​ទៅ​ក្រៅ​ញ៉ាំ​អាហារ ជាមួយគ្នាយ៉ាងរ៉ូមែនទិក។

Valentine’s Day ជាពិធីបុណ្យមួយ​របស់ជនជាតិនៅប៉ែក​អឺរ៉ុប ប៉ុន្តែបច្ចុប្បន្នប្រជាជនស្ទើរ​តែទូទាំងពិភពលោក ក៏តែងប្រារព្ធ​ដូចគ្នា។ហើយក្នុងថ្ងៃនោះដែរ កាលពីម្សិលមិញនេះ នៅលើបណ្ដាញសង្គម Instagram របស់តារាប្រុសស្រីរបស់ថៃ ជាច្រើនគូ ក៏បាន​បង្ហាញ​​អំពី​សេចក្ដីស្រឡាញ់ និងផ្អែមល្ហែមផ្ញើសារទៅកាន់គូស្នេហ៍របស់ពួកគេ។ ដើម្បីជាការចូលរួមអបអរ និងបង្ហាញពី​សេចក្ដី​ស្រឡាញ់​រវាង​មនុស្ស​ដែល​ខ្លួនស្រឡាញ់ទៅវិញ​ទៅមក ក្នុងទិវា​បុណ្យនៃ​ក្ដីស្រឡាញ់​នេះផងដែរ។

អត្ថបទនិងកែសម្រួលដោយ៖ ម៉ារ៉ាឌី