សឿ សុធារ៉ា ប្រកាសសុំទោសនាង អយ និងខ្ញុង ក្ដែងៗវិញ ក្រោយច្រឡំបង្ហោះថាជំពាក់លុយ

#ស្រី អយ# #សឿ សុធារ៉ា# #កម្សាន្ត# #តារាខ្មែរ# #នាង ខ្ញុង#

10533

កាលពីសប្ដាហ៍មុនមានរឿងកក្រើកពិភពសិល្បៈ ក្រោយតារាសម្ដែងស្រី គឺអ្នកនាង សឿ សុធារ៉ា បានបង្ហោះសារលើបណ្ដាញសង្គមហ្វេសប៊ុក ដោយបញ្ជាក់ថា អ្នកក្អយ និងខ្ញុងបានជំពាក់ប្រាក់តុងទីននាងរាប់ម៉ឺនដុល្លារ។

រឿងជំពាក់លុយតុងតីននេះកើនឡើង ក្រោយមានកូនតុងទីនប៉ុន្មាននាក់បានចេញមុខចោទភរិយាលោកសាពូន មីដាដា ថា មិនព្រមសងប្រាក់ ដែលខ្លួនជាមេតុងទីនជំពាក់។ ព្រោះតែរឿងបែបនោះ នាងក៏ចេញមុខមកទម្លាយថា មានកូនតុងទីនមិនបានបង់ឲ្យផងដែរ ហើយក្នុងនោះមានទាំងអតីតតារាកំប្លែងអ្នកនាង ជួន ចាន់រតនា ហៅស្រីអយ និងស្រេង សុកាន់ដា ហៅខ្ញុង ដែលជាតារាកំប្លែងល្បីឈ្មោះនាពេលបច្ចុប្បន្ន។

បន្ទាប់ពីអ្នកនាង សឿ សុធារ៉ា ប្រកាសបែបនោះហើយ តារាកំប្លែងនាង ខ្ញុំ និងស្រី អយ មិនបានបកស្រាយ ឬបង្ហោះអ្វីតបតទេ គ្រាន់តែបញ្ជាក់ថាទុកឲ្យច្បាប់ជាអ្នកដោះស្រាយ។

បន្ទាប់ពីស្ងប់ស្ងាត់មួយរយៈ កាលពីម្សិលមិញនេះអ្នកម្ដាយកូន ២ រូបនោះបានបង្ហោះសារមួយទៀត ដោយបញ្ជាក់ថាជាការយល់ច្រឡំប៉ុណ្ណោះ។ អ្នកនាងបានបង្ហោះថា "សូមជម្រាបសួរដល់បងប្អូនទាំងអស់ថា កាលពីថ្ងៃទី ៦ ខ្ញុំបានផុសហ្វេសប៊ុកនិយាយអំពីការលេងតុងទីនជាមួយអ្នកនាង ស្រេង សុកាន់ដា ( ហៅស្រីញ៉ុង ) ឲ្យបងប្អូនបានឃើញទាំងអស់គ្នា នាងខ្ញុំសូមជម្រាបថា គាត់បានទូទាត់ឲ្យនាងខ្ញុំ ដើម្បីបញ្ចប់រឿងតាំងពីថ្ងៃទី ២៤ ខែកញ្ញា ឆ្នាំ ២០២១ រួចរាល់អស់ហើយ។ ការដែលនាងខ្ញុំផុសឯកសារគាត់ជំពាក់លុយរឿងតុងទីននេះ គឺជាការធ្វេសប្រហែសយល់ច្រលំថ្ងៃខែរបស់នាងខ្ញុំទេ ដូច្នេះនាងខ្ញុំសូមធ្វើការចេញឯកសារជាផ្លូវការនេះ ដើម្បីជាការសុំអភ័យទោសដល់បងប្អូនទាំងអស់គ្នា ជាពិសេសគឺសុំអភ័យទោសអ្នកនាង ស្រេង សុកាន់ដា( ហៅស្រីញ៉ុង ) ដែលនាងខ្ញុំបានធ្វើការមិនច្បាស់ជាមួយគាត់ ហើយធ្វើឲ្យបងប្អូនមានការយល់ច្រលំដល់គាត់"។

ចំណែកខាងភាគីស្រី អយ វិញ ក៏អ្នកនាងបានពោលពាក្យដូចគ្នានេះផងដែរ។ ងាកទៅមើលលើបណ្ដាញសង្គមអ្នកទាំង ២ វិញក៏មិនបាននិយាយអ្វីទៀតដែរ៕ អត្ថបទ៖ ទ្រី រ៉ាវី

ក្ដៅៗជុំវិញតារាខ្មែរ

4933មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។