ផលអាក្រក់10យ៉ាងដែលកេីតឡេីងពីការគេងមិនគ្រប់គ្រាន់

ការ​គេង​គ្រប់គ្រាន់គឺ​មាន​សារៈសំខាន់​ខ្លាំង​ណាស់​សម្រាប់​សុខភាព​របស់អស់លោក​អ្នក។ខាងក្រោមនេះគឺផលវិបាកនៃការគេងមិនគ្រប់គ្រាន់

1.ការគេងមិនគ្រប់គ្រាន់ធ្វេីអោយអ្នកកេីនទម្ងន់

ការ​គេង​មិន​លក់​មាន​ទំនាក់ទំនង​យ៉ាង​ខ្លាំង​នឹង​ការ​ឡើង​ទម្ងន់។

អ្នកដែលមានរយៈពេលនៃការគេងខ្លីអាចកេីនទម្ងន់ច្រើនជាងអ្នកដែលទទួលបានការគេងគ្រប់គ្រាន់។ជាការពិតណាស់រយ:ពេលនៃការគេងខ្លីគឺជាកត្តាហានិភ័យដ៏ខ្លាំងនៃការឡេីងទម្ងន់។នៅក្នុងការសិក្សាពិនិត្យយ៉ាងទូលំទូលាយមួយចំពោះ កុមារ និងមនុស្សពេញវ័យដែលមានរយៈពេលគេងខ្លី 89%និង55%បានវិវត្តទៅជាធាត់រៀងៗខ្លួន។ឥទ្ធិពលនៃការគេងលើការឡើងទម្ងន់ត្រូវបានគេជឿថាត្រូវបានកេីតឡេីងដោយកត្តាជាច្រើន រួមទាំងអរម៉ូន និងការលើកទឹកចិត្តក្នុងការធ្វើលំហាត់ប្រាណ។ប្រសិនបើអ្នកកំពុងព្យាយាមសម្រកទម្ងន់ ការទទួលបានការគេងគ្រប់គ្រាន់គឺពិតជាមានសារៈសំខាន់ខ្លាំងណាស់។

(រូបតំណាង)

2.ការគេង​លក់​ស្រួល​ធ្វេីអោយចំណង់អាហារតិច

ការសិក្សាបង្ហាញថាបុគ្គលដែលគេងមិនលក់មានចំណង់អាហារកាន់តែធំ។ការ​គេង​មិន​លក់​រំខាន​ដល់​ការ​ប្រែប្រួល​ប្រចាំ​ថ្ងៃ​នៃ​អ័រម៉ូន​ចំណង់​អាហារហើយ​ត្រូវ​បាន​គេ​ជឿ​ថា​ធ្វើ​ឱ្យ​មាន​ការ​គ្រប់គ្រង​ចំណង់​អាហារ​មិន​ល្អដោយមានកម្រិតខ្ពស់នៃGhrelinដែលជាអរម៉ូនដែលជំរុញចំណង់អាហារ និងកាត់បន្ថយកម្រិតនៃLeptin ដែលជាអរម៉ូនដែលទប់ស្កាត់ចំណង់អាហារ។

3.ការគេងគ្រប់គ្រាន់អាចបង្កើនការផ្តោតអារម្មណ៍និងការបង្កេីតថ្មីៗ

ការគេងមានសារៈសំខាន់សម្រាប់ទិដ្ឋភាពផ្សេងៗនៃមុខងារខួរក្បាលរួមបញ្ចូលទាំងការយល់ដឹង ការផ្តោតអារម្មណ៍ ផលិតភាព និងការអនុវត្ត។ការសិក្សាមួយផ្សេងទៀតបានរកឃើញថាការគេងខ្លីអាចជះឥទ្ធិពលអវិជ្ជមានដល់ទិដ្ឋភាពមួយចំនួននៃមុខងារខួរក្បាលដែលស្រដៀងគ្នានឹងការស្រវឹងស្រា។ម្យ៉ាងវិញទៀតការគេងគ្រប់គ្រាន់ត្រូវបានបង្កេីននូវជំនាញដោះស្រាយបញ្ហានិងបង្កើនសមត្ថភាពចងចាំទាំងកុមារនិងមនុស្សពេញវ័យ។

4.ការគេងបានគ្រប់គ្រាន់អាចបង្កើនសមត្ថភាពកីឡា

ការគេងត្រូវអាចបង្កើនសមត្ថភាពកីឡា។នៅក្នុងការសិក្សាលើអ្នកលេងកីឡាបាល់បោះការគេងយូរត្រូវបានបង្ហាញថាធ្វើអោយប្រសើរឡើងនូវល្បឿន ភាពត្រឹមត្រូវ ពេលវេលាប្រតិកម្ម និងសុខុមាលភាពផ្លូវចិត្ត។រយៈពេលនៃការគេងតិចអាចធ្វេីអោយការធ្វើលំហាត់ប្រាណមិនល្អផងដែរ។ការសិក្សាលើស្ត្រីជាង 2,800 នាក់បានរកឃើញថាការគេងមិនគ្រប់គ្រាន់បង្កអោយមានការដើរយឺត កម្លាំងកាន់ទាប និងការលំបាកកាន់តែខ្លាំងក្នុងការអនុវត្តសកម្មភាពផ្សេងៗ។

5. អ្នក​គេង​មិន​គ្រប់​មាន​ហានិភ័យ​ខ្ពស់​នៃ​ជំងឺ​បេះដូង និង​ដាច់​សរសៃឈាម​ខួរក្បាល​

រយះពេលនៃការគេងអាចមានឥទ្ធិពលយ៉ាងសំខាន់ទៅលើកត្តាហានិភ័យសុខភាពជាច្រើនដែល​គេ​ជឿថា​ជំរុញ​ឱ្យ​មាន​ជំងឺ​រ៉ាំរ៉ៃ រួមទាំង​ជំងឺ​បេះដូង​ផងដែរ។ការពិនិត្យឡើងវិញនៃការសិក្សាចំនួន15បានរកឃើញថាមនុស្សដែលគេងមិនគ្រប់គ្រាន់មានហានិភ័យខ្ពស់នៃជំងឺបេះដូងឬដាច់សរសៃឈាមខួរក្បាលជាងអ្នកដែលគេង7-8ម៉ោងក្នុងមួយយប់។

6.ការគេងប៉ះពាល់ដល់ការរំលាយអាហារ ជាតិស្ករ និងហានិភ័យនៃជំងឺទឹកនោមផ្អែមប្រភេទទី2

ការគេងមិនគ្រប់គ្រាន់អាចប៉ះពាល់ដល់ជាតិស្ករក្នុងឈាមនិងកាត់បន្ថយភាពប្រែប្រួលអាំងស៊ុយលីន។នៅក្នុងការសិក្សាលើបុរសវ័យក្មេងដែលមានសុខភាពល្អដែលដាក់កម្រិតការគេងត្រឹម 4 ម៉ោងក្នុងមួយយប់សម្រាប់រយៈពេល6យប់ជាប់ៗគ្នាបណ្តាលឱ្យមានរោគសញ្ញានៃជំងឺទឹកនោមផ្អែម។រោគសញ្ញាទាំងនេះបានដោះស្រាយបន្ទាប់ពីមួយសប្តាហ៍នៃការកើនឡើងរយៈពេលនៃការគេង។ទម្លាប់​នៃ​ការ​គេង​មិន​លក់​ក៏​មាន​ទំនាក់ទំនង​យ៉ាង​ខ្លាំង​ចំពោះ​ផល​ប៉ះពាល់​អវិជ្ជមាន​លើ​ជាតិ​ស្ករ​ក្នុង​ឈាម​ចំពោះ​មនុស្ស​ទូទៅ។រីឯអ្នកដែលគេងតិចជាង 6 ម៉ោងក្នុងមួយយប់ត្រូវបានបង្ហាញម្តងហើយម្តងទៀតថាមានការកើនឡើងហានិភ័យនៃជំងឺទឹកនោមផ្អែមប្រភេទទី 2។

(រូបតំណាង)

7.ការគេងមិនគ្រប់គ្រាន់អាចបង្កអោយមានជំងឺធ្លាក់ទឹកចិត្ត

បញ្ហាសុខភាពផ្លូវចិត្តដូចជាជំងឺធ្លាក់ទឹកចិត្តត្រូវបានផ្សារភ្ជាប់យ៉ាងខ្លាំងទៅនឹងគុណភាពនៃការគេងមិនគ្រប់គ្រាន់និងបញ្ហានៃការគេង។វាត្រូវបានគេប៉ាន់ប្រមាណថា 90% នៃអ្នកដែលមានជំងឺធ្លាក់ទឹកចិត្តត្អូញត្អែរពីការគេងមិនគ្រប់គ្រាន់។

8.ការគេងធ្វើអោយប្រសើរឡើងនូវមុខងារប្រព័ន្ធភាពស៊ាំរបស់អ្នក។

សូម្បីតែការបាត់បង់ដំណេកតិចតួចត្រូវបានបង្ហាញថាធ្វើឱ្យមុខងារប្រព័ន្ធភាពស៊ាំចុះខ្សោយ។ការសិក្សាដ៏ធំមួយរយៈពេល 2 សប្តាហ៍បានតាមដានការវិវត្តនៃជំងឺផ្តាសាយធម្មតាបន្ទាប់ពីផ្តល់ឱ្យមនុស្សនូវដំណក់ច្រមុះជាមួយនឹងវីរុសផ្តាសាយដោយគេបានរកឃើញថាអ្នកដែលគេងតិចជាង7ម៉ោងមានសន្ទុះជាសះស្បេីយយូរជាងអ្នកដែលគេង8ម៉ោងឬច្រើនជាងនេះ។ដូចនេះប្រសិនបើអ្នកឧស្សាហ៍ផ្តាសាយអ្នកគួរគេងយ៉ាងហោចណាស់ 8 ម៉ោងក្នុងមួយយប់ អាចជួយអ្នកបង្កេីនភាពសុាំរារាំងពីជំងឺផ្តាសាយ។

(រូបតំណាង)

9.ការគេងមិនគ្រប់គ្រាន់អាចបង្កអោយកើនឡើងនៃការរលាក

ការ​គេង​អាច​មាន​ឥទ្ធិពល​ខ្លាំង​លើ​ការ​រលាក​ក្នុង​ខ្លួន​របស់​អ្នក។ជាការពិតការបាត់បង់ដំណេកត្រូវបានគេដឹងថា ធ្វើឱ្យមានដំណើរការរលាក និងការខូចខាតកោសិកា។ការគេងមិនបានគ្រប់គ្រាន់ត្រូវបានផ្សារភ្ជាប់យ៉ាងខ្លាំងទៅនឹងការរលាករយៈពេលយូរនៃបំពង់រំលាយអាហារ នៅក្នុងជំងឺដែលគេស្គាល់ថាជាជំងឺរលាកពោះវៀន។

10.ការគេងប៉ះពាល់ដល់អារម្មណ៍ និងទំនាក់ទំនងសង្គម

ការគេងមិនលក់កាត់បន្ថយសមត្ថភាពរបស់អ្នកក្នុងទំនាក់ទំនងសង្គម។អ្នកស្រាវជ្រាវជឿថាការគេងមិនគ្រប់គ្រាន់ប៉ះពាល់ដល់សមត្ថភាពរបស់អ្នកក្នុងការទទួលស្គាល់សញ្ញាសង្គមសំខាន់ៗដំណើរការព័ត៌មាននិងអារម្មណ៍។

រៀបរៀងដោយ:សុីដា

ប្រភពដេីម:ប្រភពដេីម:https://www.healthline.com/nutrition/10-reasons-why-good-sleep-is-important