ក្មេងស្រីអាយុ១៤ឆ្នាំម្នាក់ ត្រូវឪពុកចុង ប្រើកាំបិតផ្គាក់ កាប់ យ៉ាងសាហាវ ដេកស្លាប់ក្នុងថ្លុកឈាមយ៉ាងអាណោចអាធ័ម ព្រោះតែខឹង ចាប់រំលោភមិនបានសម្រេច ហើយបុរសជាឪពុកចុង បបានរត់ទៅចង ក សម្លាប់ខ្លួនឯង ដោយសារតែដឹងថា ខ្លួនបានប្រព្រឹត្តអំពើ មិនសមរម្យនេះ។

ហេតុការណ៍ឃាតកម្ម ដ៏ឃោរឃៅនេះ បានកើតឡើង នៅព្រលប់ ថ្ងៃទី២ ខែមករា ឆ្នាំ២០២២ នៅចំណុចផ្ទះ ជនរងគ្រោះស្ថិតក្នុងភូមិធ្លកយល់ ឃុំ តាជេស ស្រុកកំពង់ ត្រឡាចខេត្តកំពង់ឆ្នាំង។

សមត្ថកិច្ចបានឱ្យដឹងថា ជនរងគ្រោះមានឈ្មោះ ណាង ស្រីលាភ ភេទស្រី អាយុ១៤ឆ្នាំ ។ ចំណែកបុរសជាឳពុកចុង មានឈ្មោះ ច្រឹង ផល្លី អាយុ៣៦ឆ្នាំ បានប្រើកាំបិតផ្គាក់ កាប់ទៅលើ កូនស្រីចុង ចំនួន ២ កាំបិត បណ្តាលឱ្យដាច់ ក និង ដាច់ដៃស្តាំ ស្លាប់នៅក្នុងថ្លុកឈាម។ក្រោយពីបង្កហេតុ កាប់ទៅលើកូនស្រី បុរសរូបនេះ បានយកខ្សែមកចង ក សម្លាប់ខ្លួនឯងតាមក្រោយផងដែរ។

សាកសពជនរងគ្រោះ និងជនសង្ស័យជាឪពុកចុងត្រូវបានក្រុមគ្រួសាររៀបចំធ្វើបុណ្យតាមប្រពៃណី ៕