មកមើលសម្រស់ប្រាសាទអូរផ្អុង តាមរយៈគំនូរព្រាងរបស់លោក Henri Parmentier កាលពីជិត ១០០ឆ្នាំមុន

#ចំណេះដឹង# #ប្រវត្តិសាស្ត្រ# #ប្រាសាទអូរផ្អុង#

9683

ប្រាសាទអូរផ្អុង ស្ថិតក្នុងរចនាបថគូលែន ដែលត្រូវបានប្រវត្តិវិទូយល់ថាសាងសង់ក្នុងរាជ្យព្រះបាទជ័យវរ្ម័នទី២ ដើមសតវត្សរ៍ទី៩ នៃគ្រិស្តសករាជ។

ការសន្មត់ដូច្នេះគឺដោយសារសម័យនោះគ្មានសិលាចារឹកមកបញ្ជាក់ គឺផ្អែកលើអំណះអំណាងក្នុងប្រវត្តិសាស្ត្រព្រះបាទជ័យវរ្ម័នទី២ លោកបានយាងទៅភ្នំគូលែន តាំងរាជធានីនៅទីនោះដើម្បីប្រារព្ធពិធីទេវរាជ និងប្រកាសឯករាជ្យពីនគរជ្វា។ អ្វីដែលពិសេសជាងនេះ ប្រាសាទអូរផ្អុងត្រូវអ្នកប្រវត្តិសាស្ត្រចាត់ទុកផ្ដែរនៃប្រាសាទអូរផ្អុងជាគំរូនៃរចនាបថគូលែន។

រចនាបថគូលែនជារចនាបថ ដែលមានការសាកល្បងបញ្ចូលគ្នានៃសិល្បៈមុនអង្គរ ជាមួយសិល្បៈចាមជ្វាឲ្យទៅជាសិល្បៈថ្មីមួយ ប៉ុន្តែពុំមានលក្ខណៈច្បាស់លាស់នៅឡើយទេ។ ទោះជាមានការបាក់បែងដោយកន្លែង តែប្រាសាទអូរផ្អុងនៅរក្សារូបរាងល្អបានច្រើន បើទោះជាមានអាយុកាលជាង១២០០ឆ្នាំហើយក្ដី។

ខាងក្រោមគឺជាគំនូរព្រាងប្រាសាទអូរផ្អុងគូរដោយលោក Henri Parmentier នៅឆ្នាំ ១៩២៧ គិតមកទល់ពេលនេះមានរយៈពេល ៩៥ឆ្នាំហើយ។ គំនូរនេះត្រូវបានយកមកបង្ហោះឡើងវិញដោយលោក ថន វរ៌ធន៕

សិក្សាពីចំណេះដឹងទូទៅ

38200មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។