សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលអនាគតដៃគូជីវិត តើគេនឹងជាមនុស្សបែប? តើគេនឹងជាអ្នកមានឋានៈស្តុកស្តម្ភឲ្យអ្នករស់នៅបានយ៉ាងស្រួលឬអត់? តាមរយៈការជ្រើសរើសរូបសាក់ហេនណាមួយដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។

រូបសាក់ហេនណាទី 1ពីរូបទីមួយដែលអ្នករើស បើអ្នកចង់ជួបគូអនាគតជាអ្នកមាន អ្នកប្រហែលជាត្រូវរង់ចាំយូរបន្តិច ព្រោះស្នេហាមួយនេះនឹងកើតឡើងដំបូងដោយមានភាគីម្ខាងលួចស្រលាញ់ភាគីម្ខាងទៀត ហើយភិនភាគម្នាក់នោះទំនងជាមានអាយុចាស់ជាងអ្នកច្រើន (មានន័យថាចាប់ពី 10ឆ្នាំឡើងទៅ) ។

តែទោះជាយ៉ាងណាក៏ដោយ ការជួបម្នាក់នោះប្រហែលជាមិនយូរខ្លាំងដូចអ្នកគិតទេ ម្ល៉ោះហើយចូលរង់ចាំដោយក្តីសង្ឃឹមចុះ ជោគវាសនានឹងស្រូបទាញអ្វីដែលអ្នកចង់បាននាពេលអនាគត ។

រូបសាក់ហេនណាទី 2ពីរូបទីពីរដែលអ្នករើស លទ្ធផលបង្ហាញថា មានមនុស្សជាច្រើនដែលចូលមកចែចង់អ្នក ពួកគេច្រើនតែជាបុគ្គលដែលមានឋានៈគួរសម ប៉ុន្តែបញ្ហានៅត្រង់ថាអ្នកជាមនុស្សរើសច្រើន បើទោះអ្នកខ្លះមានទ្រព្យសម្បត្តិក៏ដោយ តែបើគេមានចំណុចខ្សោយតែបន្តិចអ្នកនឹងកាត់ផ្តាច់ពីគេភ្លាម ទើបធ្វើឱ្យអ្នកមិនអាចជួបដៃគូក្នុងក្តីស្រមៃបាន ។

យ៉ាងណាមិញនៅពេលអនាគតឆាប់ៗនេះ និងមានមនុស្សល្អម្នាក់ចូលមកក្នុងជីវិតអ្នក ដូច្នេះសូមសាកបើកចិត្តនិយាយជាមួយគេបន្តិចទៅ ។

ម្យ៉ាងវិញទៀតអ្នកត្រូវចងចាំថា នៅពេលនេះទោះគូព្រេងរបស់អ្នកមិនទាន់មានទ្រព្យសម្បត្តិហូរហៀរដូចមហាសេដ្ឋីក៏ពិតមែន ប៉ុន្តែនៅពេលអនាគតស្នេហារបស់អ្នកនឹងមានភាពកក់ក្តៅ ហើយស្ថានភាពគ្រួសាររបស់អ្នកនឹងប្រសើរឡើងពីការចេះជួយគ្នាទៅវិញទៅមក។

រូបសាក់ហេនណាទី 3អ្នកជាមនុស្សមានសំណាងក្នុងរឿងស្នេហា តែងតែជួបមនុស្សដែលត្រូវចិត្តនិងមានស្នេហាដ៏ល្អឥតខ្ចោះ បើទោះបច្ចុប្បន្ននេះអ្នកនៅតែនៅលីវយូរក៏ដោយ តែធានាថាអនាគតជីវិតស្នេហារបស់អ្នកនឹងល្អប្រពៃ ដៃគូររបស់អ្នកទំនងជាមនុស្សមានឋានៈនិងការអប់រំល្អ ថែមទាំងមានអាកប្បកិរិយាសមគួរទៀត ។ ទៅថ្ងៃអនាគតជីវិតស្នេហារបស់អ្នកមិនមានបញ្ហាអ្វីឡើយ រង់ចាំបន្តិចទៀតមិនយូរប៉ុន្មានអ្នកនឹងជួបម្នាក់នោះជាមិនខាន ។

រូបសាក់ហេនណាទី 4នាពេលអនាគតអ្នកនឹងទទួលបានគូស្នេហ៍ដែលមានអំណាចនិងកិត្យានុភាព តែនឹងមានទ្រព្យស្តុកស្តម្ភឬអត់ ការទស្សន៍ទាយនៅមិនទាន់ច្បាស់នៅឡើយទេ ប៉ុន្តែបុគ្គលម្នាក់នោះមានទំនោរជាមានការងារល្អ មានស្ថិរភាព ហើយលេចធ្លោគ្រាន់បើជាងអ្នក ។

តែទោះជាយ៉ាងណា មុននឹងសម្រេចចិត្តទាក់ទងនរណាម្នាក់ សូមអ្នកស៊ើបប្រវត្តិរូបគេឲ្យច្បាស់លាស់ផង អ្នកអាចនឹងមានបញ្ហាក្រោយពេលទាក់ទងគ្នា ព្រោះថ្ងៃអនាគតអ្នកអាចនឹងដឹងអាថ៌កំបាំងឬរឿងមិនល្អអំពីគេ បណ្តាលឱ្យអ្នកនិងគាត់មានបញ្ហាជាមួយគ្នា ប៉ុន្តែវាប្រហែលមិនអាក្រក់ដូចអ្នកគិតទាំងស្រុងទេ ដូច្នេះសូមពិនិត្យប្រវត្តិរូបរបស់គេជាមុនសិន ៕

ប្រភព៖ Bring Lucky/Knongsrok