មកស្គាលអំពីវង់ភ្លេងមហោរីព្រះរាជទ្រព្យនិងមហោរីច្នៃ

#វង់ភ្លេងមហោរីព្រះរាជទ្រព្យ# #ចំណេះដឹង# #ចំណេះដឹងទូទៅ# #ភ្លេងមហោរីច្នៃ#

1687

វង់ភ្លេងមហោរីជាវង់ភ្លេងម្យ៉ាងដែលមានលក្ខណៈស្រាល(ស្រាលជាងទម្រង់ពិណពាទ្យ)ដោយប្រេីប្រាស់ដេីម្បីប្រគំកំដរ និងញ៉ាំងបរិយាកាសឲ្យមានភាពអធិកអធម។

(វង់ភ្លេងមហោរីព្រះរាជទ្រព្យ)

វង់ភ្លេងមហោរីមាន២ប្រភេទគឺវង់ភ្លេងមហោរីព្រះរាជទ្រព្យនិងវង់ភ្លេងមហោរីច្នៃ។

(ឧបករណ៍ក្នុងវង់ភ្លេងមហោរីព្រះរាជទ្រព្យ)

វង់ភ្លេងមហោរីព្រះរាជទ្រព្យមានឧបករណ៍ដូចជារនាតឯក រនាតធុង រនាតដែក ទ្រអ៊ូ ទ្រសោ ទ្រខ្សែបីឬទ្រខ្មែរ ចាប៉ី ខ្លុយ ខ្សែដៀវឬឯកតន្ត្រី គងវង់តូចធំ ស្គរថូននិងរមនា ឈិង ក្រាប់ តាខេ។ មហោរីច្នៃគឺជាវង់ភ្លេងម្យ៉ាងដែលគេបានបង្កេីតឡេីងដោយយកឧបករណ៍ភ្លេងមហោរីដូចជារនាតឯក រនាតធុង តាខេ ទ្រសោ ទ្រអ៊ូ ស្គរថូនស្គររមនា ខ្លុយជាដេីមមកបន្ថែមជាមួយនឹងឧបករណ៍ឃឹម(មកពីវង់ភ្លេងបាសាក់)និងឧបករណ៍របស់ពួកអឺរ៉ុបដូចជាអាគ័ដេអុង ហ្គីតា វីយូឡុង អាម៉ូនីញ៉ូម ម៉ុងដូលីន។ល។ វង់ភ្លេងមហោរីច្នៃគឺសំដៅទៅលេីតែវង់ភ្លេងប៉ុណ្ណោះមិនមែនសំដៅលេីបទភ្លេងនោះទេ។

(វង់ភ្លេងមហោរីច្នៃ)

វង់ភ្លេងមហោរីច្នៃខុសពីវង់ភ្លេងមហោរីព្រះរាជទ្រព្យត្រង់ថាវង់ភ្លេងមហោរីព្រះរាជទ្រព្យមិនប្រេីឧបករណ៍ឃឹមនិងមិនបញ្ចូលឧបករណ៍តន្ត្រីរបស់ពួកអឺរ៉ុបទេ។ យ៉ាងណាមិញ វង់ភ្លេងទាំងពីរគឺលេងបទក្នុងទម្រង់មហោរីដូចគ្នាដោយជួនកាលគេលេងតែសាច់ភ្លេងសុទ្ធតែភាគច្រេីនគឺគេច្រៀងផងដែរ។

រូបភាព៖YouTube និងទំព័រហ្វេសប៊ុក Tokla Hak

អត្ថបទ៖រិន សុភក្ត្រា

សិក្សាពីចំណេះដឹងទូទៅ

38592មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។