រឿង ភរិយាគ្មានតម្លៃ(ភាគ៦២)

#រឿងនិទាន និងប្រលោមលោក# #រឿងប្រលោមលោក# #កម្សាន្ត#

2208

កាឡូអុីបើកភ្នែកធំៗពេលដើរទៅជិតហើយបានឃើញយូជនដាល់និងធាក់ដនដោយមិនសំចៃកម្លាំង ភ្លាមៗនាងក្រមុំគិតមិនទាន់ទើបរត់ទៅរាំងពីមុខដើម្បីបញ្ឈប់បងប្រុស។

"បងយូជនបងគិតចង់ធ្វើអី"កាឡូអុីរត់ទៅរាំងហើយងើបមុខសម្លឹងមើលបងប្រុស មុននេះដឹងទេថាបេះដូងរបស់នាង់ស្ទើរគាំងឈប់ដើរភ្លាមៗ ពេលដែលរត់មកឃើញដនដេកអោបពោះព្រមជាមួយឈាមស្រាចខ្លួន។

"នេះឯងនៅមកការពារវាទៀតរឺកាឡូអុី"យូជនចាប់ដៃប្អូនស្រីហើយទាញនាងឲ្យទៅម្ខាង

"បងប្រដៅវា ព្រោះវាធ្វើឲ្យឯងយំបងធ្វើព្រោះឯង"

"បងយូជន..."ដៃតូចកន្ទ្រាក់មួយទំហឹងរហូតរបូត កាឡូអុីរត់ទៅត្រកងអ្នកដែលដេកអោបពោះដោយក្ដីបារម្ភ នាងតូចចាប់ដៃក្រាស់របស់ដនបំណងជួយគ្រាឡើង តែចៃដន្យដៃរបស់នាងបែរជាស្រវាចំថង់ប្លាស្ទិកដែលក្រហម ហើយភ្លាមនោះនាងក៏កាត់ន័យបានភ្លាមថាឈាមដែលនៅស្រាចខ្លួនរបស់ដនជាឈាមក្លែងក្លាយទើបនាងក្រលាស់ដៃហើយងើបឈរអោបដៃ

"បើបងចង់ប្រដៅគេព្រោះខ្ញុំអញ្ចឹងបាន បងវៃទៅវៃឲ្យខ្លាំងកាន់តែល្អ ហើយបើបានដំបងសំពងទៀតរឹតតែល្អថ្វេដង"នាងញញឹមហើយធ្វើមុខឲ្យគួរព្រឺសម្បុរដាក់គ្រប់គ្នារហូតធ្វើឲ្យតួសម្ដែងទាំងពីមើលមុខគ្នាទៅវិញទៅមក

"អាវ...យូរម្លេះបងប្រុសវៃឲ្យលឿនឡើងអាចខ្ញុំទៅនាំកូនដើរលេង"នាងមិនត្រឹមតែនិយាយធម្មតា កាឡូអុីដើរទៅទាញចំឈើមួយដុំមកអង្គុយអន្ទាក់ទាក់ខ្លានិងលើកដៃច្រត់ចង្ការមើលដូចជាកំពុងរង់ចាំកុនចាក់បញ្ចាំងអញ្ចឹង។

"ហឺយបងយូជន...!"យូមីនស្រែកស្ទើរអស់សម្លេងពេលឃើញយូជនទាល់ដនមួយជើងត្រង់ពោះ តែមិនថាយូមីនស្រែកប៉ុណ្ណាក៏យូជនមិនឈប់ ព្រោះបើគេឈប់នោះអ្នកដែលចប់គឺគេនិងហើយដែលរួមដៃជាមួយដនបោកនាង។

"ដេតឌី...នេះលោកអ៊ុំធ្វើអ្វីដេតឌីរបស់ដេន"កម្លោះតូចស្រែកនិងរត់ចូលមកទាំងត្រដាបត្រដួសទៅត្រកងអ្នកដែលជាប៉ាដែលពេលនេះត្រូវធ្ងន់សមល្មម តែថាទៅរឿងនេះបន្ទោសយូជនក៏មិនត្រូវព្រោះគ្រប់យ៉ាងគេទេជាអ្នករៀបគម្រោងការដោយខ្លួនឯង។

"អ៊ុំគ្មានបំណងទេដេន..."ពេលឃើញក្មួយប្រុសរត់ចូលមកយូជនក៏ដាក់គូទអង្គុយលើដីហើយដកដង្ហើមចូលឲ្យពេញពោះព្រោះមុននេះគេប្រើកម្លាំងខ្លាំងណាស់ដើម្បីសម្ដែងជាមួយដន។

"ដេតឌីមិនអីទេកូនសម្លាញ់ របួសត្រឹមកាយវាមិនឈឺដល់បេះដូងទេ"ពាក្យសម្ដីសោះបន្លឺឡើងតិចៗប្រាប់ដេនអ្នកដែលរត់មកត្រកង តែកែវភ្នែកពណ៌ប្រផេះចាស់បែរជាបាញ់ពន្លឺដាក់អ្នកដែលអង្គុយក្បែរនោះ ឃើញហើយអ្នកដែលត្រូវគេសម្លឹងអត់ជ្រេញមិនបាន។

"ដេនទៅជាមួយម៉ាក់..."ពេលទ្រាំមើលអ្នកដែលដេកអោបពោះសម្លឹងមើលមកនាងមិនដាក់ភ្នែកកាឡូអុីក៏ប្រញាប់ងើបហើយហៅកូនប្រុស តែគិតរឺថាដេនព្រមទៅដោយមិនមានដេតឌីទៅជាមួយនោះ។

"អត់ទេអ្នកម៉ាក់ពេលនេះកូនឈប់ញាំការ៉េមហើយ ពេលនេះកូនសុំនៅមើលដេតឌី ព្រោះពេលនេះដេតឌីកំពុងឈឺខ្លាំង មែនទេដេតឌី"

"ដេន..."បបូរមាត់តូចខ្ជឹបព្រមជាមួយកាយវិការមិនពេញចិត្ដ ព្រោះយប់មិញដេនជាអ្នកខលប្រាប់ថាចង់ញាំការ៉េម តែមើលចុះកូនម្នាក់នេះគ្រាន់តែជួបដេតឌីភ្លាមគ្រប់យ៉ាងគឺលែង...

"ល្អបើកូនស្រលាញ់គេជាងម៉ាក់អញ្ចឹងនៅជាមួយគេទៅ"នាងតូចនិយាយទាំងអួកដើមក ពេលសង្កេតឃើញថាម្នាក់ៗសុទ្ធតែនៅខាងដន ទើបនាងប្រញាប់ដើរសំដៅឡានបើកចេញទៅក្នុងល្បឿនលឿន។

"ហឺយៗៗៗឲ្យវាអញ្ចឹងឡើង..."គ្រាន់តែឃើញភរិយាឡើងឡានចេញទៅដោយមិនស្រណោះដនក៏ងើបដាល់ដីខ្លាំងៗរហូតបែកដៃ នេះឲ្យគេធ្វើបែបណាលួងក៏លួងហើយ វិធីឈឺសាច់ក៏ធ្វើហើយតែភរិយារបស់គេនៅតែមិនព្រមនិយាយនិងស្ដាប់ហេតុផលរបស់គេសោះ។

"ដេតឌីឈប់ឈឺហើយមែនទេ?"ដេនបើកភ្នែកធំៗហើយសួរទៅកាន់អ្នកដែលដេកអោបពោះអម្បាញ់មិញទាំងភ្ញាក់ផ្អើល។

"ដេតមិនអីទេតែអ្នកដែលអីគឺម៉ាក់របស់កូន ដេតតាំងចិត្ដមកសុំទោសនិងសារភាពរឿងគ្រប់យ៉ាងតែមើលនាងធ្វើទៅ អួយ..."ដនព្យាយាមងើបឈរនិងលើកកូនប្រុសបី ហើយក៏ងើយមុខមើលគ្រប់គ្នាដែលពេលនេះចំហរមាត់សម្លឹងមើលគេពីនាក់ប៉ាកូន។

(រូបតំណាង)

#ពីសប្ដាហ៍កន្លងផុតទៅ

ពីសប្ដាហ៍មាន១៤ថ្ងៃ ហើយក្នុងមួយថ្ងៃមាន២៤ម៉ោងដែលដនគិតតែពីអង្គុយផឹកស្រានិងបន្ទោសខ្លួនឯង ដឹងទេថារយៈពេលពីសប្ដាហ៍ពេញដែលភរិយារបស់គេចាក់ចេញពីហុល្លង់គេស្ទើរតែឆ្កួតព្រោះតែតាមរកនាងហើយពេលដែលរកឃើញគេក៏បានត្រឹមតែអង្គុយកើតទុកព្រោះថាពេលនេះកាឡូអុីកំពុងតែស្និទ្ធស្នាលជាមួយស៊ូអិន។

"នេះរឺជាការឈឺចាប់ អារម្មណ៍បែបនេះរឺដែលអូនជួបកន្លងមក...!"ដនអ៊ែនណាសាន់ពោលព្រមជាមួយទឹកភ្នែក ព្រោះគ្រប់ពេលដែលខេតាំងផ្ញើរូបកាឡូអុីដើរកៀកកើយជាមួយស៊ូអិនទ្រូងខាងឆ្វេងរបស់គេឈឺខ្លាំង ហើយក៏ពេលនេះហើយដែលគេយល់អារម្មណ៍របស់កាឡូអុីពីមុនមក។

(រូបតំណាង)

សូមរង់ចាំទស្សនាភាគបន្ត

ប្រភព: ឈើសៀ

Novel | រឿងនិទាន និងប្រលោមលោក

5489មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។