មនុស្សភាគច្រើនចូលចិត្តណាស់ខាងវិភាគអ្វីៗតែសំបកក្រៅប្រៀបដូចជាសៀវភៅជាដើម មិនទាន់បានទាំងអានផង គ្រាន់តែឃើញចំណងជើងក៏គិតថា សៀវភៅនោះមិនមានគំនិតល្អសម្រាប់រូបគេឡើយ។ សៀវភៅមួយក្បាលមិនមែនសំខាន់លើចំណងជើងសៀវភៅដែលគេដាក់នៅលើក្របសៀវភៅនោះទេ គឺវាសំខាន់លើអត្ថន័យដែលនៅក្នុងសៀវភៅនោះ។

( រូបតំណាង )

សៀវភៅគេបង្កើតឡើងមិនមែនឱ្យអ្នកគ្រាន់តែអានចំណងជើងដែលនៅលើក្របសៀវភៅនោះទេ គឺគេបង្កើតឡើងសម្រាបឱ្យអ្នកស្វែងយល់ពីអត្ថន័យដែលនៅក្នុងសៀវភៅនោះ ស្វែងយល់ពីអ្វីដែលល្អៗដែលគេបានដាក់បញ្ចូលនៅក្នុងសៀវភៅនោះ។

( រូបតំណាង )

អ្នកមិនត្រូវគិតថា សៀវភៅល្អឬមិនល្អដោយគ្រាន់តែមើលចំណងជើងសៀវភៅឡើយ។ ចំណងជើងសៀវភៅមិនអាចបញ្ជាក់ថា សៀវភៅនោះមានអត្ថន័យល្អឬមិនល្អឡើយ។ សៀវភៅមិនមែនបង្កើតឡើងដោយមនុស្សឥតប្រយោជន៍ មនុស្សពាលាអាវ៉ាសែ ឬមនុស្សដែលគ្មានចំណេះដឹងនោះទេ គឺវាបង្កើតឡើងដោយមនុស្សដែលមានបទពិសោធន៍ មានចំណេះដឹងខ្ពស់ និងមានការអប់រំគ្រប់គ្រាន់ ហើយសៀវភៅមួយក្បាលមិនមែនគេចេះតែបង្កើតឱ្យឥតប្រយោជន៍នោះទេ គឺវាបង្កើតឡើងសុទ្ធតែមានគោលបំណងរបស់វា ហើយសុទ្ធតែមានប្រយោជន៍សម្រាប់អ្នកអានមិនថាសៀវភៅនោះជាសៀវភៅអ្វីក៏ដោយ៕

អត្ថបទដើមដោយ ÷ ឈុនឡេង