​អ្នក​វិទ្យាសាស្ត្រ​បានស្រាវជ្រាវរកឃើញ​ថា គ្រាប់ស្វាយចន្ទី​បានផ្តល់អត្ថប្រយោជន៍ខ្លាំងចំពោះសុខភាព មិនត្រឹមតែផ្លែអាចបរិភោគបាននោះទេ គ្រាប់ផ្លែចន្ទីក៏អាចយកកែច្នៃ ឱ្យទៅជាផ្លែក្រៀម និងធ្វើការលក់លើទីផ្សាបានតម្លៃខ្ពស់ផងដែរ។

ដោយសារគ្រាប់ស្វាយចន្ទីមានរស់ជាតិឆ្ងាញ់ និងអាចជួយដល់សុខភាពបានច្រើនយ៉ាងនេះ ដូច្នេះហើយប្រភេទគ្រាប់រុក្ខជាតិមួយនេះ ពិតជាមានការពេញនិយមទទួលទានច្រើនផងដែរ។

១.ជួយដល់​​សុខភាពឆ្អឹង

សារធាតុ​​ទង់ដែងនៅក្នុងគ្រាប់ស្វាយចន្ទី ប្រៀបដូចជាឱសថដែលអាចជួយដល់ឆ្អឹង និងកាត់បន្ថយនៃ​ហានិភ័យជំងឺពុកឆ្អឹង។ មនុស្សពេញវ័យអាយុពី ១៩ ឆ្នាំឡើងទៅ ​​តម្រូវឱ្យទទួលទានទង់ដែង ៩០០ មីក្រូក្រាមក្នុងមួយថ្ងៃ ហើយ គ្រាប់ស្វាយចន្ទី២៨ក្រាម មានផ្ទុកទង់ដែង ៦២២ មីក្រូក្រាម។ ​ ព្រោះវាជួយក្នុងការបញ្ចូលជាតិកាល់ស្យូមចូលទៅក្នុងឆ្អឹង។

២-​ជួយកាត់បន្ថយជំងឺ​ទឹកនោមផ្អែម៖

​អ្នក​វិទ្យាសាស្ត្រ​បាន​បញ្ជាក់​ថា សារធាតុ​ចម្រាញ់​ពី​គ្រាប់ស្វាយចន្ទី​ផ្តល់​អត្ថប្រយោជន៍​ក្នុង​ការ​គ្រប់គ្រង​កម្រិត​ជាតិ​ស្ករ​ក្នុង​ឈាម ដែល​អាច​កាត់​បន្ថយ​បាន​ហានិភ័យ​ពី​ជំងឺ​ទឹកនោមផ្អែម​ ព្រោះនៅក្នុង​គ្រាប់ស្វាយចន្ទី​ផ្ទុក​ធាតុ​សកម្ម​ឈ្មោះ Anacardic Acid ។

៣-ជួយសម្រួលដល​សុខភាព​បេះដូង

អ្នកទទួលទាន​គ្រាប់ស្វាយចន្ទី អាច​ជួយ​បញ្ចុះ​កម្រិត​ខ្លាញ់​កូ​ឡេ​ស្តេ​រ៉ូ​ល កាត់​បន្ថយ​ការ​លើសឈាម ធាត់​លើស​ទម្ងន់ ទាំងអស់នេះគឺបានជំរុញឱ្យមានភាពប្រសើរចំពោះប្រព័ន្ធ​បេះដូងរបស់មនុស្ស ។

៤.ជួយពង្រឹង​ប្រព័ន្ធភាពស៊ាំ​​​​​​

នៅក្នុងគ្រាប់ស្វាយចន្ទី​ ក៏មាន​ផ្ទុកនូវសារធាតុ​​​​ស័ង្កសី។ សារធាតុនេះមានសារសំខាន់ សម្រាប់ការអភិវឌ្ឍកោសិកាប្រ​​ព័ន្ធភាពស៊ាំ​ និង ផលិតអង់ស៊ីមប្រឆាំងអុកស៊ីតកម្ម។