តាមការស្រាវជ្រាវ មនុស្សគួរតែចូលគេងឲ្យបានលឿន ហើយក្រោកពីព្រលឹម។ គំរូនេះត្រូវគ្នានឹងទំនោរជីវសាស្រ្តរបស់យើងក្នុងការសម្របលំនាំនៃការគេងរបស់យើងជាមួយនឹងព្រះអាទិត្យ។ ការចូលគេងលឿនអាចជួយអោយអ្នកទទួលបានសុខភាពល្អ តែវាក៏សំខាន់ផងដែរក្នុងការទទួលបានបរិមាណត្រឹមត្រូវនៃការគេងឱ្យបានទៀងទាត់ ដើម្បីជួយការពារផលវិបាកសុខភាពដែលអាចកើតមាន។តើយើងត្រូវការគេងប៉ុន្មានម៉ោង?

អ្នកជំនាញភាគច្រើនណែនាំថា មនុស្សពេញវ័យត្រូវគេងយ៉ាងហោចណាស់ 7 ម៉ោងក្នុងមួយយប់។ នេះគឺជាការវិភាគនៃការគេងដែលអ្នកគួរតែអនុវត្តអោយបានត្រឹមត្រូវតាមអាយុ៖

អាយុ បរិមាណដែលត្រូវគេង

0-3 ខែ 14-17 ម៉ោង

4-12 ខែ 12-16 ម៉ោង

1-2 ឆ្នាំ 11-14 ម៉ោង

3-5 ឆ្នាំ 10-13 ម៉ោង

9-12 ឆ្នាំ 9-12 ម៉ោង

13-18 ឆ្នាំ 8-10 ម៉ោង

18-60 ឆ្នាំ យ៉ាងហោចណាស់ 7 ម៉ោងក្នុងមួយយប់

61-64 ឆ្នាំ 7-9 ម៉ោងក្នុងមួយយប់

65 ឆ្នាំនិងចាស់ជាងនេះ 7-8 ម៉ោងក្នុងមួយយប់

+ផលរំខាននៃការគេងមិនគ្រប់គ្រាន់

ប្រសិនបើអ្នកជួបប្រទះនឹងការងងុយគេងពេលថ្ងៃ វាជាសញ្ញាបង្ហាញថាអ្នកគេងមិនបានគ្រប់គ្រាន់នៅពេលយប់ ហើយវានឹងបង្កអោយអ្នកជួបប្រទះនឹងបញ្ហាមួយចំនួនដូចជា អារម្មណ៍ប្រែប្រួល និងភ្លេចភ្លាំង។ ហើយការគេងមិនបានគ្រប់គ្រាន់ជាប្រចាំអាចនាំឱ្យមានផលវិបាកដល់សុខភាពរយៈពេលយូរថែមទៀត ដែលមានរួមបញ្ចូលទាំង:

-ឧស្សាហ៍ឈឺញឹកញាប់

-ប្រឈមនឹងបញ្ហាលើសឈាម (លើសឈាម)

-ជំងឺទឹកនោមផ្អែម

-ជំងឺបេះដូង

-ភាពធាត់

-ជំងឺធ្លាក់ទឹកចិត្ត+រីឯការគេងច្រើនពេកក៏អាចនាំឱ្យមានផលរំខានច្រើនដូចជា៖

- ការថប់បារម្ភ

- ជំងឺធ្លាក់ទឹកចិត្ត

- គេងមិនដកដង្ហើម

- ជំងឺផាកឃីនសុន

- ជំងឺទឹកនោមផ្អែម

- ជំងឺបេះដូង

- ភាពធាត់

- ជំងឺក្រពេញទីរ៉ូអ៊ីត

- ជំងឺហឺត៕ប្រភព ៖ បរទេស