រាជរដ្ឋាភិបាលកម្ពុជា បានសម្រេចបង្កើតក្រុងអរិយក្សត្រ នៃខេត្តកណ្តាល ដោយកាត់យកឃុំចំនួន៦ ពីស្រុកខ្សាច់កណ្តាល និងឃុំចំនួន ៥ពីស្រុកល្វាឯម។ នេះបើតាមអនុក្រឹត្យ ដែលបានចុះហត្ថលេខាដោយ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នាថ្ងៃទី២៣ ខែធ្នូ ឆ្នាំ២០២២នេះ។

ក្រុងអរិយក្សត្រ មាន ៦សង្កាត់ ដូចជា៖ សង្កាត់បាក់ដាវ, សង្កាត់កោះឧកញ៉ាតី, សង្កាត់ព្រែកអំពិល,​ សង្កាត់ព្រែកលួង, សង្កាត់ព្រែកតាកូវ, សង្កាត់ស្វាយជ្រំ, សង្កាត់អរិយក្សត្រ, សង្កាត់សារិកាកែវ, សង្កាត់ពាមឧកញ៉ាអុង,សង្កាត់ព្រែកក្មេង និងសង្កាត់បារុង ទីតាំងរដ្ឋបាលក្រុងអរិយក្សត្រ ត្រូវស្ថិតនៅក្នុងសង្កាត់អរិយក្សត្រ ៕

អត្ថបទ៖ ឡុង រតនា