ដោយសារតែពាក្យ២ម៉ាត់ បានធ្វើអោយយើងដឹងថាយើងជានរណា ក្រោយរកឃើញសិលាចារិក១ផ្ទាំងដែលបានរៀបរាប់នូវដើមកំណើត"ខ្មែរ" សិលាចារិក១ផ្ទាំងនោះគឺជារឿងព្រេង ដែលត្រូវចារនៅជាប់ខ្លោងទ្វារប្រាសាទ"បក្សីចាំក្រុង"មាននិយាយពីដើមកំណើតនៃពាក្យ"ខ្មែរ"។

ការរួមសម្ព័ន្ធរវាងឥសី"កម្ពុ" និងនាង"មេរា"ជាហេតុអោយកើតមានសុរ្យ វង្សឬអាទិ្ចវង្សឡើងនៅខាង"ចេនឡា"។ បើលោកអ្នកអានប្រមៀលពាក្យ "កម្ពុ មេរា"នេះវានឹងបាន >កម្ពុ មេរ>កម្ព មេរ>ក័ម មេរ >ក មេរ >ក្មេរ= ខ្មែរ ។ចំពោះភាសាបាលីចេញជា"ខេមរ" ប្រែមកថា "អ្នកមានសេចក្តីក្សេមក្សាន្ត"។

គួរបញ្ជាក់ថា ប្រាសាទបក្សីចាំក្រុង​កសាងឡើងដោយព្រះបាទហស៌វរ្ម័នទី១ ​គឺជាព្រះរាជបុត្រ​របស់ព្រះបាទយសោវរ្ម័នទី១​ដើម្បីឧទ្ទឹសថ្វាយព្រះឥសូរក្នុងព្រហ្មញ្ញសាសនា។ ប្រាសាទបក្សីចាំក្រុង ស្ថិតនៅកណ្តាលព្រៃស្រោងខាងឆេ្វងផ្លូវ និងខាងជើងភ្នំបាខែង ធ្វើពីថ្មបាយក្រៀម និងឥដ្ឋក្រហម៕