សម្រាប់​យុវវ័យ​ដែល​មាន​បញ្ហា​មុន​នៅ​លើ​ខ្នង ហើយមិនហ៊ានស្លៀកពាក់បើកចំហរ អាចប្ដូរសាកព្យាបាលតាមបែបធម្មជាតិនេះបាន ប៉ុន្តែ​ត្រូវ​ប្រើរយៈពេលយូរបន្តិច ទើបឃើញលទ្ធផល ដោយសារតែវីធីដែលយើង​រៀបរាប់​ខាងក្រោមនេះ​សុទ្ធ​តែ​មាន​សុវត្ថិភាព​សម្រាប់​ស្បែក ​មិន​ប្រើ​ជាតិ​គីមី​ធ្វើ​ឱ្យ​ខូច​ស្បែក​របស់អ្នក។

១. សម្អាតខ្នងរបស់អ្នកឱ្យបានទៀងទាត់​ ជាពិសេសក្នុងអំឡុងពេលងូតទឹក អ្នក​គួរ​ប្រើ​ក្រណាត់​ជូតខ្នង ឬ​ឈើ​ដើម្បី​សម្អាត​ខ្នង​របស់​អ្នក​ជា​ប្រចាំ ដើម្បីកម្ចាត់កោសិកាស្បែក និងកាត់បន្ថយស្នាមមុននៅលើខ្នង ។

២. បន្ទាប់ពីសម្អាតខ្នងរួចហើយ អ្នកគួតែយកសំឡីជ្រលក់ចូលក្នុងប្រេង Tea Tree Oil ហើយលាបវានៅចំណុចណាដែលមានមុន ព្រោះវាអាចជួយកាត់បន្ថយការរលាក កាត់បន្ថយស្នាមក្រហមដែលធ្វើឲ្យកើតមុន សម្លាប់បាក់តេរី និងផ្សិតក្នុងរន្ធញើសផងដែរ ។

៣. ព្យាបាលស្លាកស្នាមមុនដោយប្រើ aloe vera

សម្រាប់អ្នកដែលមិនអាចស្វែងរក Tea Tree Oil អ្នកអាចប្ដូរមកប្រើ aloe vera ជំនួសវិញបាន ព្រោះថា aloe vera ជួយកាត់បន្ថយការរលាក កាត់បន្ថយស្នាម ជួយព្យាបាលមុន និងកាត់បន្ថយស្នាមអុចខ្មៅបានយ៉ាងល្អ។

៤. សូមកុំស្លៀកសម្លៀកបំពាក់តឹងពេក ព្រោះវាបង្កឱ្យមានសំណើម បណ្តាលឱ្យមានការប្រមូលផ្តុំនៃបាក់តេរី ហើយវាធ្វើឲ្យស្បែករបស់អ្នក ងាយរលាក និងបង្កឲ្យកើតមុននៅលើខ្នងពិបាកព្យាបាល។

៥. បរិភោគបន្លែ និងផ្លែឈើ

 អ្នកគួរតែបរិភោគផ្លែឈើ និងបន្លែឲ្យបានញឹកញាប់ ជាពិសេស ផ្លែក្រូចឆ្មារ ប៉េងប៉ោះ ល្ហុង ឬមង្ឃុត ព្រោះវាសម្បូរដោយវីតាមីន ជួយកាត់បន្ថយការរលាកស្បែក និងផ្ដល់​សំណើមដល់ស្បែកផងដែរ។

៦. ជៀសវាងអាហារចៀន ខ្លាញ់ និងផ្អែម

 ក្រៅ​ពី​ការ​ញ៉ាំ​បន្លែ ​ផ្លែឈើ​ និង​ផឹក​ទឹក​ឲ្យ​បាន​ច្រើន អ្នកត្រូវចៀសវាង​អាហារ​មួយ​ចំនួន​ដូច​ជា អាហារ​ចៀន អាហារ​មាន​ជាតិ​ខ្លាញ់ និង​ផ្អែម ក៏​អាច​កាត់បន្ថយការកើត​មុន​បាន​ដែរ។

៧. កុំឱ្យសក់របស់អ្នកប៉ះខ្នងរបស់អ្នក

 ក្នុងអំឡុងពេលមនុស្សស្រី មានបញ្ហាមុនខ្នង ត្រូវចងសក់ឲ្យស្អាត ដើម្បីកុំឱ្យប៉ះខ្នងរបស់អ្នក។ ដោយសារតែសក់របស់អ្នកមានជាតិប្រេង ប្រសិនបើសក់របស់អ្នកប៉ះស្បែកខ្នង​ នោះវាបង្កើតឲ្យមានប្រេងកខ្វក់ ហើយបណ្តាលឱ្យមានការប្រមូលផ្តុំនៃបាក់តេរី ដែលជាមូលហេតុធ្វើឱ្យកើតមុនផងដែរ ៕

សម្រួលដោយ ៖ លីដា

ប្រភពដើម ៖ https://www.sanook.com/women/237361/