លោក Jimmy Pikanet Sukyik ដែលជាកីឡាករមកពីប្រទេសថៃបានវាយតម្លៃខ្ពស់ចំពោះរាជវង្សានុវង្សនៃព្រះរាជាណាចក្រកម្ពុជាដែលបានផ្តល់អាហារ និងកន្លែងស្នាក់នៅដោយឥតគិតថ្លៃដល់កីឡាករអន្តរជាតិ។ «កម្ពុជាមានភាពរួសរាយ រាក់ទាក់ និងបានស្វាគមន៍យ៉ាងកក់ក្តៅចំពោះកីឡាករអន្តរជាតិ រូបលោកក៏បានថ្លែងបន្តទៀតថានេះក៏ជាបទពិសោធន៍ដ៏អស្ចារ្យមួយសម្រាប់ខ្ញុំដែលបានចូលរួមក្នុងការប្រកួតស៊ីហ្គេមនៅកម្ពុជា។

កីឡាករម្នាក់ទៀត មកពីប្រទេសវៀតណាមបានសរសើរចំពោះការទទួលភ្ញៀវបដិសណ្ឋារកិច្ច ដ៏អស្ចារ្យ របស់កម្ពុជា ដែលធ្វើឲ្យកីឡាករចូលរួមទាំងអស់មានអារម្មណ៍កក់ក្តៅ។

ក្រោមពាក្យស្លោក "កីឡារស់នៅក្រោមសន្តិភាព" ព្រឹត្តិការណ៍នេះបាននាំមកនូវអត្តពលិកជាង ១ម៉ឺននាក់ គ្រូបង្វឹក អាជ្ញាកណ្តាល និងប្រតិភូមកពី ១១ប្រទេសចូលរួម។ អត្តពលិកប្រចាំតំបន់បានចូលរួមប្រកួតកីឡាចំនួន៣៧ ក្នុងព្រឹត្តិការណ៍៥៨១៖ ៣៨៤ សម្រាប់បុរស ២២៩ សម្រាប់នារី និង ៤៨ លាយឡំគ្នា។ ការបិទព្រឹត្តិការណ៍កីឡាស៊ីហ្គេមលើកទី៣២ ជាផ្លូវការ កាលពីថ្ងៃទី១៧ ខែឧសភា ឆ្នាំ២០២៣ កន្លងទៅ ហើយការប្រកួតនេះមើលទៅលើសពីកីឡា ព្រមទាំងដើម្បីលើកកម្ពស់ការរួបរួមគ្នា ក្នុងចំណោមប្រទេសអាស៊ានទាំងអស់តាមរយៈការទទួលភ្ញៀវរាក់ទាក់ប្រកបដោយមិត្តភាព សន្តិសុខបំផុត និងសេវាឥតគិតថ្លៃ សម្រាប់កីឡាករ គ្រូបង្វឹក និងប្រតិភូទាំងអស់។

អ្នកទស្សនាទាំងអស់ក៏អាចរីករាយ នឹងការប្រកួតផ្ទាល់ដោយឥតគិតថ្លៃផងដែរ ហើយសិទ្ធិផ្សព្វផ្សាយក៏ មានសេរីភាពសំរាប់មនុស្សទាំងអស់។

នៅក្នុងព្រឹត្តិការណ៍ស៊ីហ្គេមលើកទី៣២ នរះកម្ពុជាពិតទទួលបានជោគជ័យខ្លាំង ព្រមទាំងទទួលបានការកោតសរសើរពីសំណាក់បណ្តាប្រទេសនានាដែលបានចូលរួមផងដែរ។