ភ្នំពេញ៖ នាពេលថ្មីៗនេះផ្ទុះការចាប់អារម្មណ៍ពេញបណ្ដាញ TikTok ជាខ្លាំងនៅវិដេអូបែកធ្លាយដែល Fan ចាប់បានចំនុចខ្លះៗដែលសង្ស័យថា លោក Kai ម្ចាស់បទ ទឹកភ្នែកស្រកលើម៉ាស្ការ៉ា និងស្រីស្អាត តារា TikTok ឈ្មោះស្រីនាថ បានកំពុងមានទំនាក់ទំនងស្នេហាបែបលួចលាក់នឹងគ្នា នេះបើយោងតាមគណនី TikTok ឈ្មោះ fanofyou80 បានបង្ហោះ។

យើងក៏សង្គេតឃើញថាអ្នកគាំទ្រជាច្រើនបានបង្ហាញអារម្មណ៍រំភើបចូលបញ្ចេញមតិអបអរសាទរ យ៉ាងច្រើនព្រោងព្រាត និងជូនពរឲ្យអ្នកទាំងពីរក្លាយជាគូស្នេហ៍ពិតៗ ព្រោះតារាប្រុសសម្លេងស្រទន់ លោក Kai ពិតជាសាកសមជាមួយស្រីស្អាតនៅខេត្តសៀមរាបរូបនេះណាស់ ចំពោះអ្នកខ្លះទៀតក៏បានបញ្ចេញមតិថារឿងនេះជាការពិតបើមើលតាមអ្វីដែលគាត់ផុសកន្លងមកនោះគឺពិតជាស្រដៀងខ្លាំងសឹងតែ ១០០ភាគរយ។

យ៉ាងណាមិញយើងនៅមិនទាន់ដឹងច្បាស់ថាជាការពិត ឬយ៉ាងណានោះទេ ព្រោះសាមីខ្លួនទាំងពីរនៅមិនទាន់ចេញមុខបកស្រាយនៅឡើយ មិត្តអ្នកគាំទ្រនៅតែរង់ចាំមើលជាបន្តទៀតផលដែរ៕

សម្រួលដោយ៖ Sun Darasy