ក្រោយពី កញ្ញា តន់ ចន្ទសីម៉ា ទម្លាក់ MV បទចម្រៀង «សែកមន្ត» ដែលជាប្រភេទបទភ្លេងបុរាណលាយសម័យមានរួមបញ្ជូលនូវចាបុីខ្មែរប្រមាណជាង ១០០ដើមប្រគុំ ក្នុងន័យដើម្បីអបអរសាទរគម្រប់ខួប៨ឆ្នាំនៃការចុះបញ្ជីបេតិកភណ្ឌវប្បធម៌អរូបីនៃមនុស្សជាតិនៅក្នុងថ្ងៃទី៣០ ខែវិច្ឆិកា ឆ្នាំ ២០២៤ ខាងមុខនេះ ធ្វើឲ្យមហាជនទស្សនាហើយភ្ញាក់ផ្អើលពេញចិត្ត តែទន្ទឹមនឹងនេះ ក៏មានមហាជនមួយចំនួនទៀតបានចូលទៅរិះគន់មិនពេញចិត្តនូវនៅការសម្ដែងផ្សេងៗនៃបទមួយនេះ។

ក្នុងនោះយោងតាមរយៈការខមិនរបស់គណនីមួយបានលើកឡើងថា៖ «បើអត់មាន Lububu បទនេះអាចល្បីខ្លាំង មិនមានអ្នករិះគន់ទេ ភ្លេងល្អ ច្រៀងល្អហើយ។ ខ្ញុំសូមណូមពរដក Labubu ក្បាច់រាំនិងចេញទៅដើម្បីបង្កើនគុណភាព videos និង ទទួលការគ្រាំទ្រ»។

បន្ថែមពីនេះក៏មានអ្នកខ្លះទៀតបានលើកជាមតិបែបពេញចិត្តបែបនេះថា៖ « សម្រាប់ខ្ញុំគុណសម្បត្តិបទនេះ គឺជួយដល់អ្នកស្នងចាបុីបានប្រាក់ចំណូលបន្ថែម វាពិតជាសំខាន់ណាស់បើសម្រាប់សិល្បៈករចាបុីដងវែងបន្តរឆន្ទៈរបស់គាត់ និងជាកម្លាំងចិត្តដល់ពួកគាត់ឲ្យបន្តរនិងបង្ហាត់បង្រៀនដល់ក្មេងជំនាន់ក្រោយបន្តរទៀត»។

ក្រោយពីបានឃើញនូវមតិបែបនេះហើយ កញ្ញា តន់ ចន្ទសីម៉ា ហាក់មិនមានប្រតិកម្មឆ្លើយតបអ្វីទាំងអស់ ខណៈមានហ្វេនៗជាច្រើនទន្ទះសាររង់ចាំមើលនូវបទនេះចេញជាពេញជាផ្លូវការថាកាន់តែពិសេសបែបណានោះ៕