រុក្ខជាតិនិងផ្កាជាវត្ថុមានជីវិតដ៏ស្រស់ស្អាតតាមរយះស្រស់និងក្លិនរបស់វា។ មានមនុស្សជាច្រើនចូលចិត្តក្លិនពួកវាព្រោះវាក្រអូបនិងធ្វើឲ្យពួកគេមានអារម្មណ៍ល្អ ធូរស្បើយពីអារម្មណ៍តាន់តឹង ម្យ៉ាងវិញទៀតតើលោកអ្នកមានដឹងដែរទេថា បើកាលណាផ្ទះឬកន្លែងធ្វើការមានរុក្ខជាតិឬផ្កាដាក់តាំងលំអបន្ថែមសម្រស់ កន្លែងនោះនឹងមើលទៅឃើញរស់រវើកហាក់មានជីវិតជីវ៉ា ផ្ទុយបើគ្មានភាវរស់ទាំងនេះគ្រប់យ៉ាងមើលទៅឃើញក្រៀមក្រោះគ្មានសម្រស់ឡើយ។

អ្នកបង្កើតសួនជាធម្មតាតែងពេញចិត្តនឹងអារម្មណ៍ពេលដែលពួកគេប៉ះចាប់ដីដាំរុក្ខជាតិដោយដៃរបស់ពួកគេ ប៉ុន្តែប្រសិនបើអ្នកចង់រក្សាម្រាមដៃរបស់អ្នកស្អាតព្រោះមិនចង់ប្រលាក់ ខាងក្រោមនេះជារុក្ខជាតិងាយៗដាំនិងស្រស់ស្អាត 8 យ៉ាងដោយលោកអ្នកមិនចាំប្រលាក់ដៃជាមួយដី៖

១.ឬស្សីសំណាងល្អ(Lucky Bamboo)

ថ្វីត្បិតតែវាមានឈ្មោះថា “ឬស្សីសំណាង” ក៏ពិតមែនប៉ុន្តែជា់ស្ដែងវាមិនមែនជាឬស្សីនោះទេ។ ផ្ទុយទៅវិញ វាគឺជារុក្ខជាតិលំអផ្ទះដែលត្រូវបានគេស្គាល់ថាជារុក្ខជាតិមិនងាយងាប់។ រុក្ខជាតិនេះអាចដុះលូតលាស់ក្នុងដី ប៉ុន្តែអ្នកធ្វើសួនសឹងតែគ្រប់គ្នាជ្រើសរើសដាំវាឲ្យលូតលាស់ដោយពឹងផ្អែកលើទឹកទៅវិញ។

២.រុក្ខជាតិស្លឹកធំៗ (Philodendron)

នេះជារុក្ខជាតិបៃតងម្យ៉ាងទៀតដែលអាចលូតលាស់បានដោយមិនចាំបាច់ដាំដុះលើដី មិនត្រឹមតែប៉ុណ្ណោះមិនចាំបាច់ត្រូវព្រះអាទិត្យក៏បាន ជាផលល្អដល់អ្នកដាំរុក្ខជាងតាំងលំអទាំងអស់អាចដាក់វានៅត្រង់ណាក៏បានដែលអ្នកពេញចិត្ត។

៣.អ័រគីដេ (Orchids)

ដើមផ្កាអ័រគីដេនៅតំបន់ត្រូពិចភាគច្រើនគឺដុះលើរុក្ខជាតិឬរបស់ដទៃទៀតដែលអាចផ្ទុកបន្សើមបានក្នុងការឲ្យឬសរបស់វាជញ្ជក់ទឹកបាន។ ដូច្នេះហើយវាជារុក្ខជាតិមួយដែលអ្នកអាចដាំតាំងលំអកន្លែងអ្នក មិនត្រឹមតែប៉ុណ្ណោះវាថែមទាំងមានផ្កាដ៏ស្រស់ស្អាតទៀតផង។

៤.ផ្កាក្រដាស.ស(Paperwhite)

វាជាផ្កាក្រដាសប្រភេទកម្រ ដែលត្រូវបានគេស្គាល់ក្នុងចំណោមផ្កាក្រដាស.សជារុក្ខជាតិលំអមួយបែបដែលអាចរស់លូតលាស់ដោយគ្មានទឹក។ ជាពិសេសជាដើមរុក្ខជាតិមានអាយុវែង ដើមកំណើតរបស់វាគឺនៅតំបន់មេឌីទែរ៉ាណេ ប្រទេសក្រិកសាយភាយទៅដល់ព័រទុយហ្គាល់ រួមទាំងម៉ារ៉ុកកូនិងអាល់ហ្សេរីផងដែរ។