ត្របែកគឺជាផ្លែឈើសម្បូរទៅដោយវីតាមីនដូចជាវីតាមីន A C B2 K និង E និងសារធាតុរ៉ែមាន ម៉ាញេទិច ផូស្វ័រ ជាតិដែក ស្ពាន់ និង កាល់ស្យូម ដែលផ្ទុកសារធាតុ Lycopene សារធាតុនេះប្រឆាំងការលូតលាស់នៃកោសិការមហារីកសុដន់ និង សួត។ស្លឹកត្របែកនិងផ្លែត្របែកខ្ចីមានផ្ទុកសារធាតុជួយព្យាបាលជំងឺរាគរូសនិងមានអត្ថប្រយោជន៍សំរាប់សុខភាពខ្លាំង។

ស្លឹកត្របែក

ស្លឹកត្របែកមិនសូវចាស់និងខ្ចីពេក ៥ ទៅ ១០ សន្លឹកហើយដាំទឹកចំណុះ ៥០០mL និងទុករយៈពេល ១៥ នាទីសម្រិតយកទឹកមកផឹក (រាគរូសកម្រិតស្រាល)។ចំពោះករណីរាគរូសកម្រិតខ្លាំងវិញសូមដាំអោយពុះបើកភ្លើងតិចៗរយៈពេល ៣០ នាទីសម្រិតយកទឹកមកផឹក។

ផ្លែត្របែកខ្ចី

ផ្លែត្របែកខ្ចីត្រូវលាងអោយស្អាតចិតស្ដើងៗឆ្កឹះគ្រាប់ចេញយកហាលអោយក្រៀម។ផ្លែត្របែកហាលក្រៀមនោះត្រូវបុកនិងកិនអោយម៉ត់ជាល្បាយម្សៅជាការស្រេច។អ្នកកើតជំងឺរាគរូសយកម្សៅត្របែកកន្លះស្លាបព្រាបាយលាយជាមួយទឹកបរិណសមល្មមផឹក (សម្រាប់ក្មេងតូច)។ចំពោះមនុស្សធំត្រូវប្រើម្សៅត្របែក ១ ស្លាបព្រាបាយ។

វិធីទាំង ២ នេះអាចមានអត្ថប្រយោជន៍មួយចំនួនទៀតដូចជា៖

កាត់បន្ថយការរលាកក្រពះ ពោះវៀន និងកាត់បន្ថយការឈឺចាប់ពេលមករដូវ

កម្ចាត់ក្លិនមាត់មិនល្អ កម្ចាត់ផ្តាសាយ កម្ចាត់ជាតិខ្លាញ់ក្នុងរាងកាយ កម្ចាត់រាល់បាក់តេរី និងប៉ារ៉ាស៊ីតក្នុងរាងកាយ

ប្រឆាំងជំងឺមហារីក និងជួយដល់ប្រព័ន្ធរំលាយអាហារ

ចំណាំ៖ ការអនុវត្តរូបមន្តខាងលើសូមហាមកុំបរិភោគដំឡូងស្ងោ។