មនុស្សជាច្រើននិយមញុំាបុកល្ហុងដែលមានរសជាតិហឹរឆ្ងាញ់។បុកល្ហុងជាអាហារសំរាប់ស្រីៗចូលចិត្តខ្លាំងណាស់។ជាពិសេសស្រ្ដីដែលមានផ្ទៃពោះតែម្ដង។នេះជារសជាតិថ្មីមួយទៀតដែលនឹងចង់បង្ហាញទៅអ្នកទាំងអស់គ្នាគឺការបុកល្ហុងក្ដាមសេះ។តើវាមានរសជាតិឆ្ងាញ់ជាងបុកល្ហុងខ្មែរដែរឬទេ?យើងបង្ហាញពីវិធីធ្វើមុខម្ហូបមួយនេះជាមួយគ្រឿងផ្សំមានស្រាប់នៅតាមផ្ទះ។

គ្រឿងផ្សំ៖

*ខ្ទឹមស ៤កំពិសនិងម្ទេស

*សណ្តែកដីលីង ១ស្លាបព្រាបាយ

*បង្គារគ្រៀម ១ស្លាបព្រាបាយ

*ស្ករស ១ស្លាបព្រាបាយ

*ទឹកក្រូចឆ្មា ១ស្លាបព្រាបាយ

*ទឹកត្រី ២ស្លាបព្រាបាយ

*ទឹកផ្សំរសជាតិ ១ស្លាបព្រាបាយ (កាពិ ទឹកម្ទេស អំពិលទុំ ឆាចូលគ្នា)

*ល្ហុងខ្ចី ឈូសជាសរសៃ

*ត្រកួន ជ្រៀកជាសរសៃ

*សណ្តែកគួកាត់ប្រវែងមួយថ្នាំងដៃ

*ប៉េងប៉ោះហាន់តូចល្មម

*ក្តាមសេះស្រស់កាត់ជាចំរៀកៗ

‪របៀបធ្វើ៖

*បុកខ្ទឹមនិងម្ទេសអោយបែកបន្តិចដាក់បង្គារបុកជាមួយដាក់សណ្តែកដីនិងគ្រឿងផ្សំរសជាតិដូចជា៖ ទឹកត្រី ប៊ីចេង ស្ករ ក្រូចឆ្មារ ទឹកកាពិ និងក្តាមបុកតិចៗ អោយចូលជាតិ (កុំអោយបែកក្តាម)។

*ដាក់ល្ហុង ត្រកួន សណ្តែកគួចូលបុកជាមួយគ្នាតិចៗនិងប៉េងប៉ោះ ជី ចូលកូអោយសព្វជាការស្រេច។