ភ្នំពេញ៖ កីឡាចំនួន៦ប្រភេទនឹងចាប់ផ្តើមការប្រកួតជាផ្លូវការនាព្រឹកថ្ងៃទី១៦ ខែមិថុនា ឆ្នាំ២០១៩ នៃព្រឹត្តិការណ៍ការប្រកួតកីឡាសិស្សថ្នាក់ជាតិ (National School Games) ឆ្នាំ២០១៩ នឹងធ្វើឡើងនាថ្ងៃទី១៥ ដល់១៨ ខែមិថុនា ឆ្នាំ២០១៩ នៅរាជធានីភ្នំពេញដោយរៀបចំដោយនាយកដ្ឋានអប់រំកាយ និងកីឡាសិស្ស-និស្សិត។

ចំពោះកីឡាចំនួន៦ប្រភេទ រួមមានកីឡាប៉េតង់ កីឡាវាយកូនឃ្លីលើតុ កីឡាហែលទឹក កីឡាវាយសី កីឡាការ៉ាត់តេ កីឡាតេក្វាន់ដូWT ក្នុងនោះកីឡាហែលទឹក ធ្វើការប្រកួតនៅអាងហែលទឹក នៃពហុកីឡដ្ឋាន ជាតិមរតកតេជោ ដោយមាន៥រាជធានី-ខេត្តចូលរួម ដូចជារាជធានីភ្នំពេញ ខេត្តកណ្តាល ខេត្តកំពត ខេត្តកំពង់ចាម និងខេត្តត្បូងឃ្មុំ ដែលមានកីឡាករ-កីឡាការិនី ចំនួន៤០នាក់ ក្នុងនោះកីឡាការិនី២០នាក់ និងគ្រូបង្វឹក គណៈប្រតិភូ១០នាក់ ព្រមទំាង គណៈកម្មការបច្ចេកទេស ២៦នាក់។

ចំណែក ការប្រកួតខាងលើកនេះ សម្រាប់តេក្វាន់ដូស្ទីល WT យើង នឹងធ្វើការប្រកួតជាផ្លូវការ នៅថ្ងៃទី១៥ដល់១៨ ខែមិថុនា ឆ្នាំ២០១៩ ស្អែកនៅអាគារប៊ូយ៉ុងខ្មែរ នៃពហុកីឡដ្ឋានជាតិអូឡាំពិក ហើយមាន១០រាជធានី-ខេត្តចូលរួម ដូចជារាជធានីភ្នំពេញ ខេត្តកណ្តាល ខេត្តតាកែវ ខេត្តកំពត ខេត្តកំពង់ចាម ខេត្តព្រៃវែង ខេត្តបាត់ដំបង ខេត្តសៀមរាប ខេត្តមណ្ឌលគិរី និងខេត្តរតនគិរិ ដែលមានកីឡាករ-កីឡាការិនី ចំនួន៩២នាក់ ក្នុងនោះកីឡាការិនី៤១នាក់។

លោកបានបន្តថា សម្រាប់វិញ្ញាសា៖ វិញ្ញាសាមេគុនឯកត្តជនបុរស (អាយុ ១៣-១៨ឆ្នាំ) វិញ្ញាសាមេគុន ឯកត្តជននារី (អាយុ ១៣-១៨ឆ្នាំ) វិញ្ញាសាមេគុន ជាគូបុរស-នារី (អាយុ ១៣-១៨ឆ្នាំ) វិញ្ញាសាប្រយុទ្ធឯកត្តជនបុរស (អាយុ ១៣-១៨ឆ្នាំ) ចាប់ពីទម្ងន់ ៥៩-៦៣គ.ក្រ និង វិញ្ញាសាប្រយុទ្ធឯកត្តជននារី (អាយុ ១៣-១៨ឆ្នាំ)ចាប់ពីទម្ងន់ ៥៣-៥៧គ.ក្រ ។

ការប្រកួតកីឡាសិស្សថ្នាក់ជាតិ (National School Games) លើកទី១ឆ្នាំនេះ ក្រសួងអប់រំ បានសម្រេចដក់១១ ប្រភេទកីឡារួមមាន៖ កីឡាបាល់ទាត់កីឡាបាល់ទះ កីឡាបាល់បោះកីឡា អត្តពលកម្មកីឡាប៉េតង់ កីឡាវាយកូនឃ្លីលើតុ កីឡាហែលទឹក កីឡាវាយសី កីឡាការ៉ាត់តេ កីឡាតេក្វាន់ដូWT និងកីឡាតេក្វាន់ដូITF៕