នាពេលមុននេះបន្តិច តួឯកស្រីនិងតួឯកប្រុសក្នុងរឿង «មួយណាទៅគូព្រេងខ្ញុំ» បានធ្វើដំណើរមកដល់ទឹកដីប្រទេសកម្ពុជាហើយ ហើយថែមទាំងបង្ហាញទឹកមុខរីករាយយ៉ាងខ្លាំងជាមួយអ្នកគាំទ្រដែលទៅរង់ចាំទទួលនៅព្រលានយន្តហោះអន្តរជាតិភ្នំពេញផងដែរ។

តាមរយៈផេកហ្វេសប៊ុកផ្លូវការរបស់រោងភាពយន្ត Legend Cinemas និង Major Cineplex Cambodia បានផុសជូនជាដំណឹងថា ៖ កញ្ញា Poppy Chonnipha Wisetsood និងលោក Tao Sattaphong Phiangphor នឹងអញ្ជើញមកប្រទេសកម្ពុជាដើម្បីផ្សព្វផ្សាយខ្សែភាពយន្តថ្មីរបស់គាត់គឺរឿង «មួយណាទៅគូព្រេងខ្ញុំ» ក្នុងកម្មវិធី ជំនួបតារា នៅថ្ងៃទី 30 ខែមិថុនានេះ នឹងប្រព្រឹត្តទៅតាមទីតាំងនឹងពេលវេលាខុសៗគ្នាដូចខាងក្រោម។

- នៅរោងភាពយន្ត Major Cineplex Sorya ( ម៉ោង 1​ រសៀល )

- នៅរោងភាពយន្ត Major Cineplex Aeon Mall 1 ( ម៉ោង 2 រសៀល )

- នៅរោងភាពយន្ត Legend Eden ( ម៉ោង 3 :30 នាទី សៀល )

តារាសម្ដែងដ៏មានប្រជាប្រិយភាព និងមានរូបសម្រស់ស្រស់ស្អាតប្រចាំប្រទេសថៃទាំងពីរដួងនេះនឹងមកជួបអ្នកគាំទ្ររបស់គាត់ជាមួយនិងក្រុមអ្នកគាំទ្រកម្ពុជានៅថ្ងៃត្រង់នេះ។ អ្នកគាំទ្រកម្ពុជា ពិតជាសប្បាយចិត្តយ៉ាងខ្លាំង និងត្រៀមទទួលស្វាគមន៏យ៉ាងកក់ក្ដៅចំពោះវត្តមានរបស់តារាទាំងពីរដួងនេះមកកាន់ទឹកដីប្រទេសកម្ពុជាជាលើកដំបូង៕

អត្ថបទដោយ៖ ប៊េលឡា