រញ្ជួយដីកម្លាំងខ្លាំងលើកទី២ នៅកាលីហ្វ័រនីញ៉ា បណ្តាលឲ្យមនុស្សរងរបួស និងខូចខាតយ៉ាងធ្ងន់

#សង្គម#

មន្ត្រីបាននិយាយថា ការរញ្ជួយដីកម្លាំងខ្លាំង ៧.១រ៉ិចទ័រ បានវាយប្រហារ នៅ Southern California កាលពីថ្ងៃទី៦ ខែកក្កដា ឆ្នាំ២០១៩ បណ្តាលឲ្យខូចខាតផ្នែកខ្លះ នៃអគារ បង្កឲ្យមានគ្រោះអគ្គិភ័យ និងបណ្ដាលឲ្យមនុស្សរងរបួសថែមទៀតផង ។ ការរញ្ជួយដីនេះ គឺជាការរញ្ជួយដីទ្រង់ទ្រាយធំលើកទីពីរ និងក្នុងថ្ងៃទី២ នៅក្នុងរដ្ឋតែមួយរបស់អាមេរិក ។

កាលពីថ្ងៃទី៥ ខែកក្កដា វេលាម៉ោង៨និង២០នាទីយប់ ម៉ោងនៅក្នុងតំបន់ ការរញ្ជួយដីថ្មីបំផុត៦.៤រ៉ិចទ័រ បានកើតឡើងនៅជិតទីក្រុង Ridgecrest ជិតឧទ្យានជាតិ Death Valley ប្រហែល២០២គីឡូម៉ែត្រ ភាគឦសាន្ត ទីក្រុងឡូស អេនចឺឡេស រដ្ឋកាលីហ្វីនីញ៉ា សហរដ្ឋអាមេរិក ។

មន្ត្រីក្នុងតំបន់ អះអាងថា ការរញ្ជួយដីនេះបណ្តាលឲ្យមានអគ្គិភ័យ, បែកធ្លាយបំពង់បង្ហូរប្រេង ជាពិសេសបណ្តាលឲ្យរងរបួសមនុស្ស និងគ្មានអគ្គិសនីប្រើប្រាស់ ។ បច្ចុប្បន្ន អាជ្ញាធរកំពុងដោះស្រាយបញ្ហាទាំងអស់នេះ ។ ប្រភពថា បើទោះបីទំហំនៃការខូចខាត និងរបួសមនុស្ស នៅមិនទាន់ដឹងក៏ពិតមែន ប៉ុន្តែជនរងគ្រោះបាត់បង់ជីវិត គឺគ្មាននោះទេ ។

មកដល់ថ្ងៃទី៦ ខែកក្កដា ឆ្នាំ២០១៩នេះ ស្រាប់តែមានការរញ្ជួយដីទ្រង់ទ្រាយធំមួយទៀតកើតឡើង គឺទំហំ៧.១រ៉ិចទ័រ ស្ថិតនៅ Southern California ។ ការរញ្ជួយដីទ្រង់ទ្រាយធំបែបនេះ មិនធ្លាប់មាននោះឡើយចាប់តាំងពីឆ្នាំ១៩៩៩រហូតមក ។ ការរញ្ជួយដីសារជាថ្មីនេះ បង្កឲ្យបាក់បែកផ្ទះសម្បែងខ្លះផងដែរ ។ ពិដាននៅក្នុងបារមួយកន្លែងបាក់រលំផងដែរដោយសារការរញ្ជួយដីជាថ្មីម្តងទៀតនេះ ៕ thach086

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។