
Sim
· 2019-07-12
យល់ដឹងពីមូលហេតុដែលបណ្តាលឲ្យកើត ជំងឺគ្រុនឈាម និងវិធីព្យាបាល
#វិធីព្យាបាល# #សុខភាព# #ជំងឺ# #ជំងឺគ្រុនឈាម#
12
តើអ្វីទៅហៅថាជំងឺគ្រុនឈាម?
ជំងឺគ្រុនឈាមគឺជាជំងឺដែលចម្លងដោយសត្វមូសខ្លា។ ចំពោះជំងឺគ្រុនឈាមកម្រិតស្រាលបណ្តាលអោយមានក្តៅខ្លួនខ្លាំង, ឡើងកន្ទួលលើស្បែក និងឈឺសាច់ដុំ និងសន្លាក់។ ចំពោះទម្រង់ធ្ងន់ធ្ងរវិញគេហៅវាថា Dengue Hemorrhagic Fever ដែលបណ្តាលអោយមានការហូរឈាមធ្ងន់ធ្ងរ, សម្ពាធឈាមថយចុះខ្លាំង និងស្លាប់បាន។
ជំងឺនេះភាគច្រើនកើតមានជាញឹកញាប់នៅតំបន់អាស៊ីអាគ្នេយ៍ និងកោះប៉ាស៊ីហ្វិកខាងកើត។
អ្នកស្រាវជ្រាវកំពុងតែស្វែងរកវ៉ាក់សាំងជំងឺមួយនេះ ប៉ុន្តែការបង្ការដ៏ល្អបំផុតនាពេលបច្ចុប្បន្ននេះគឺធ្វើយ៉ាងណាកាត់បន្ថយកុំអោយមូសខាំ ជាពិសេសកន្លែងដែលមានចំនួនជំងឺគ្រុនឈាមច្រើន។
ពេលណាដែលសង្ស័យថាអ្នកមានជំងឺគ្រុនឈាម?
មនុស្សជាច្រើន ជាពិសេសកុមារ និងយុវវ័យប្រហែលជាមិនធ្លាប់មានរោគសញ្ញាក្នុងពេលកើតជំងឺគ្រុនឈាមកម្រិតស្រាលទេ។ ប៉ុន្តែរោគសញ្ញានឹងកើតឡើងនៅរយៈពេល ៤ ទៅ១០ថ្ងៃក្រោយពីត្រូវបានមូសមានជំងឺខាំរួច។
រោគសញ្ញារបស់ជំងឺគ្រុនឈាមមានដូចជា៖
— ក្តៅខ្លួនខ្លាំង
— ឈឺក្បាល
— ឈឺសាច់ដុំ, ឆ្អឹង និងសន្លាក់
— ឈឺនៅខាងក្រៅភ្នែក
អ្នកក៏ប្រហែលជាមានរោគសញ្ញាផ្សេងទៀតដូចជា៖
— ចេញកន្ទួលក្រហមៗពេញខ្លួន
— ក្អួត និងចង្អោរ
— ហូរឈាមតិចតួចពីក្នុងអញ្ចាញធ្មេញ ឬច្រមុះ
— អ្នកជំងឺភាគច្រើនជាឡើងវិញក្នុងរយៈពេលមួយសប្តាហ៍។ ទោះបីជាយ៉ាងណាក៏ដោយ ករណីខ្លះ រោគសញ្ញារបស់វានឹងកាន់តែធ្ងន់ធ្ងរ ហើយអាចគំរាមកំហែងដល់ជីវិតទៀតផង។ សរសៃឈាមច្រើនតែខូចខាត និងហូរឈាមចេញ ហើយចំនួននៃកោសិកាសម្រាប់ធ្វើអោយឈាមកកក៏ថយចុះផងដែរ ដូច្នេះវាអាចនឹងធ្វើអោយមាន៖
— ការហូរឈាមចេញពីច្រមុះ និងមាត់
— ឈឺពោះធ្ងន់ធ្ងរ
— ក្អួតជាប់រហូត
— ហូរឈាមក្រោមស្បែក ដែលមើលទៅដូចជាជាំៗ
— មានបញ្ហានៅសួត, ថ្លើម និងបេះដូង
ជំងឺគ្រុនឈាមបង្កឡើងដោយសារអ្វី?
ជំងឺគ្រុនឈាមបណ្តាលមកពីវីរុសបង្កជំងឺគ្រុនឈាមមួយក្នុងចំណោមបួន ដែលចម្លងតាមរយៈមូសខ្លាខាំមនុស្ស។ នៅពេលមូសខាំមនុស្សម្នាក់ដែលមានជំងឺឬវីរុសបង្កជំងឺគ្រុនឈាម វីរុសនោះនឹងចូលទៅក្នុងសត្វមូសនោះ។ បន្ទាប់មកមូសនោះនឹងក្លាយទៅជាមូសផ្ទុកជំងឺ។ នៅពេលវាទៅខាំមនុស្សម្នាក់ទៀត វីរុសនឹងចូលទៅក្នុងចរន្តឈាមរបស់មនុស្សនោះដើម្បីបង្កជំងឺទៀត។
ក្រោយពីអ្នកជាសះស្បើយពីជំងឺគ្រុនឈាមហើយ អ្នកនឹងមានប្រព័ន្ធភាពស៊ាំដើម្បីប្រឆាំងនឹងវីរុសបង្កគ្រុនឈាមមួយប្រភេទដែលចម្លងជំងឺអ្នក ប៉ុន្តែមិនអាចប្រឆាំងនឹងវីរុសបីប្រភេទទៀតបានទេ។ ចំពោះកត្តាប្រឈមនឹងជំងឺគ្រុនឈាមបែបធ្ងន់ធ្ងរនឹងកើនឡើងខ្លាំងបើសិនជាអ្នកឆ្លងជំងឺគ្រុនឈាមលើកទីពីរ, ទីបី ឬទីបួនទៀត។
កត្តាប្រឈមមុខ
រស់នៅ ឬធ្វើដំណើរទៅកាន់តំបន់ត្រូពិច៖ ការរស់នៅក្នុងតំបន់ត្រូពិច និងត្រូពិចក្រោមជាពិសេសកន្លែងដែលមានការប្រឈមមុខខ្ពស់ដូចជាតំបន់អាស៊ីអាគ្នេយ៍ សុទ្ធតែធ្វើអោយអ្នកប្រឈមកាន់តែខ្លាំងនឹងវីរុសបង្កជំងឺគ្រុនឈាម។
ធ្លាប់មានជំងឺគ្រុនឈាមពីមុនមក៖ ការដែលធ្លាប់ឆ្លងជំងឺគ្រុនឈាមពីមុនម្តងធ្វើអោយអ្នកកាន់តែប្រឈមខ្លាំងនឹងការមានរោគសញ្ញាធ្ងន់ធ្ងរនៅពេលឆ្លងជំងឺនេះជាលើកទីពីរ ជាពិសេសកុមារតែម្តង។
ធ្វើដូចម្តេចដើម្បីកុំអោយកើតជំងឺគ្រុនឈាម?
ចំពោះវ៉ាក់សាំងជំងឺគ្រុនឈាមកំពុងតែផលិត ប៉ុន្តែជាទូទៅគឺមិនអាចប្រើបាននៅឡើយទេ។ បើសិនជាអ្នកកំពុងតែរស់នៅ ឬធ្វើដំណើរទៅកន្លែងណាមួយដែលមានជំងឺគ្រុនឈាមនោះ មធ្យោបាយដ៏ល្អបំផុតដើម្បីការពារកុំអោយឆ្លងជំងឺគ្រុនឈាមគឺធ្វើយ៉ាងណាកុំអោយមូសដែលមានជំងឺខាំបាន។
បើសិនជាអ្នកកំពុងតែរស់នៅ ឬធ្វើដំណើរទៅតំបន់ត្រូពិចដែលជាកន្លែងមានជំងឺគ្រុនឈាមនោះ អ្នកគួរតែធ្វើដូចខាងក្រោមនេះដើម្បីកុំអោយមូសខាំបាន៖
— ដេកក្នុងបន្ទប់ម៉ាស៊ីនត្រជាក់ ឬដេកក្នុងមុង
— កាត់បន្ថយការចេញក្រៅផ្ទះនៅពេលយប់ ជាពិសេសកន្លែងដែលមានមូសច្រើន
— ស្លៀកសម្លៀកបំពាក់អាវវែងខោវែងដើម្បីបន្ថែមការការពារ ហើយក៏កុំភ្លេចពាក់ស្រោមជើងផង
— ប្រើសារធាតុបណ្តេញមូស ជាពិសេសការដេកក្នុងមុងដែលជ្រលក់ថ្នាំតែម្តង។
— កាត់បន្ថយជម្រកមូស៖ មូសដែលផ្ទុកជំងឺគ្រុនឈាមច្រើនតែរស់នៅក្នុង និងជុំវិញផ្ទះ ហើយវាក៏អាចបង្កើត– — កូនចៅនៅក្នុងរបស់ដែលអាចដក់ទឹកបានដែរ។ ដូច្នេះអ្នកគួរតែលុបបំបាត់របស់អស់ទាំងនេះដើម្បីកាត់បន្ថយចំនួនមូស។
វិធីបញ្ជាក់ថាអ្នកមានជំងឺគ្រុនឈាម?
ការកំណត់រោគវិនិច្ឆ័យជំងឺគ្រុនឈាមអាចជារឿងមួយពិបាក ព្រោះសញ្ញារបស់វាងាយនឹងច្រឡំនឹងជំងឺផ្សេងៗទៀតដូចជាជំងឺគ្រុនចាញ់ជាដើម។ ដូច្នេះគ្រូពេទ្យទំនងជាត្រូវសួរប្រវត្តិជំងឺ និងការធ្វើដំណើររបស់អ្នក ជាពិសេសរឿងទាក់ទងនឹងមូសខាំតែម្តង។
ការធ្វើតេស្តក្នុងមន្ទីរពិសោធន៍ជាច្រើនអាចរកឃើញអំណះអំណាងរបស់វីរុសបង្កជំងឺគ្រុនឈាមបាន ប៉ុន្តែលទ្ធផលច្រើនតែមកមិនទាន់ទេ ដូច្នេះត្រូវតែមានការសម្រេចចិត្តព្យាបាលអោយទាន់ពេលវេលាសិនទើបជាការល្អ។
ពេលណាត្រូវទៅជួបគ្រូពេទ្យ
បើសិនជាអ្នកទើបតែទៅតំបន់ត្រូវបានគេដឹងថាផ្ទុះជំងឺគ្រុនឈាម ហើយអ្នកស្រាប់តែកើតអាការៈក្តៅខ្លួនភា្លមៗ យកល្អគួរតែទៅជួបពេទ្យពិនិត្យ និងព្យាបាលហើយ។
គ្រុនឈាមអាចសម្លាប់អ្នកដោយរបៀបណា?
មនុស្សភាគច្រើនដែលកើតជំងឺគ្រុនឈាមគឺមានអារម្មណ៍មិនល្អជាមួយនឹងការក្តៅខ្លួន ឈឺសាច់ដុំ តែវានឹងស្រួលបួលមកវិញទេ។
ករណីខ្លះ អ្នកជំងឺអាចនឹងមានការខូចខាតដល់ថ្លើម ចេញលឿង និងហូរឈាមចេញពីរាងកាយទៀតផង។ ថ្លើមអាចនឹងខ្សោយ ហើយអ្នកជំងឺចេះតែបន្តធ្លាក់ឈាម រហូតដល់ទៅជាស្យុក (សម្ពាធឈាមធ្លាក់ចុះខ្លាំង) ដែលករណីនេះនឹងធ្វើឲ្យសរីរាង្គជាច្រើនក្នុងរាងកាយខ្សោយ រហូតដល់អាចសម្លាប់អ្នកជំងឺបានតែម្តង។
អ្នកអាចមានដំណោះស្រាយអ្វីនៅផ្ទះដើម្បីប្រឆាំងជំងឺគ្រុនឈាម?
ចៀសវាងការញ៉ាំអាហាររឹង៖ អ្នកគួរតែចៀសវាងការញ៉ាំអាហាររឹងរហូតដល់ជាពីជំងឺគ្រុនឈាម។ អ្នកអាចជំនួសវាវិញជាមួយនឹងការញ៉ាំទឹកឲ្យបានច្រើន ជាពិសេសទឹកផ្លែឈើតែម្តង។
ទឹកក្រូចច្របាច់៖ វាគឺជាការព្យាបាលដោយខ្លួនឯងដ៏មានប្រសិទ្ធភាពបំផុតសម្រាប់ជំងឺគ្រុនឈាម។ វាសម្បូរទៅដោយវីតាមីន និងអង់ទីអុកស៊ីដង់ដែលធ្វើឲ្យវាក្លាយទៅជាការព្យាបាលបែបធម្មជាតិដ៏ល្អមួយលើរោគសញ្ញាជំងឺគ្រុនឈាម។
គ្រូពេទ្យព្យាបាលជំងឺគ្រុនឈាមយ៉ាងដូចម្តេច?
ជំងឺគ្រុនឈាមមិនទាន់មានវិធីព្យាបាលណាមួយពិសេសនៅឡើយទេ។ គ្រូពេទ្យប្រហែលជាណែនាំអោយអ្នកជំងឺទទួលទានជាតិទឹកអោយបានច្រើន ដើម្បីកុំអោយខ្សោះជាតិទឹកពីការក្អួត និងក្តៅខ្លួនខ្លាំង។
ថ្នាំ Acetaminophen (Tylenol) អាចបញ្ចុះកម្តៅ និងបន្ថយការឈឺចាប់បាន។ ចូរចៀសវាងថ្នាំបំបាត់ការឈឺចាប់ណាដែលបង្កើនការហូរឈាមដូចជា ថ្នាំអាស្ពីរីន, Ibuprofen (Advil, Motrin) និង Naproxen Sodium (Aleve) ។
បើសិនជាអ្នកមានជំងឺគ្រុនឈាមធ្ងន់ធ្ងរ អ្នកប្រហែលជាត្រូវ៖
— ព្យាបាលដោយថែទាំសុខភាពក្នុងមន្ទីរពេទ្យ
— បញ្ចូលជាតិទឹកតាមសរសៃ និងជំនួសអេឡិចត្រូលីត្រដែលបាត់បង់
— តាមដានសម្ពាធឈាម
— បញ្ចូលឈាមដើម្បីជំនួសការបាត់បង់ឈាម៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
សម្លឹងមើលដំបូលពីចម្ងាយស្មានតែជាក្បឿងសង្ស័យពេកស្រាប់តែចូលពិនិត្យមើលឱ្យកៀក ពិតជាគួរឲ្យរន្ធត់មែន

ប្រធានក្លឹប Derby បញ្ជាក់អំពីអនាគតរបស់ Frank Lampard

កណ្ដាប់ដៃថ្ម ម៉ឺន សុភា ឡើងសង្វៀនល្ងាចនេះវិញហើយ ក្រោយឈប់មួយរយៈពេលធំ

នាយកប្រតិបត្តិនៃក្រុមហ៊ុន Nokia និយាយថា កិច្ចប្រឹងប្រែងប្រឆាំងក្រុមហ៊ុន Huawei អាចរារាំងវិស័យទូរគមនាគមន៍

យោបល់ទាំងអស់ (0)
គ្មានយោបល់