ចង់ទាញចិត្តអតិថិជន តើត្រូវធ្វើដូចម្តេច?

#អាជីវកម្ម# #សង្គម#

ដើម្បីធ្វើឱ្យអាជីវកម្មមួយជោគជ័យ និងមានដំណើរការទៅដោយរលូត រឿង ចាំបាច់បំផុតនោះគី ការយកចិត្តទុកដាក់ចំពោះទំនាក់ទំនងជាមួយអតិថិជន។ ដូចនេះហើយក្នុងនាមជាម្ចាស់អាជីវកម្ម អ្នកគួរតែមានទំនាក់ទំនងល្អជាមួយ អតិថិជនរបស់អ្នក ទាំងចាស់ ទាំងថ្មី ដើម្បីធ្វើឱ្យការលក់ផលិតផល ឬសេវាកម្មផ្សេងៗរបស់អ្នកមានភាពរលូតទៅតាមហ្នឹងផងដែរ។ ហើយចំណុច ខាងក្រោមនេះគឺជាវិធីខ្លះៗដើម្បីទុកគ្រាន់ជាការពិចារណា៖

បង្កើនទំនាក់ទំនងល្អៗ

នាសម័យបច្ចុប្បន្ននេះ ការទំនាក់ទំនងល្អគឺជារឿងមួយដ៏ចាំបាច់ ដើម្បី ទាញយកនូវអតិថិជនថ្មីៗបន្ថែម។ ហើយក្នុងនោះវាក៏ទាមទារឱ្យអ្នក មាន ជំនាញទន់ (Soft Skill) ផងដែរ ដើម្បីបង្កើតទំនាក់ទំនងល្អជាមួយអតិថិជន ហើយអ្នកក៏ត្រូវដឹងដែរថា អតិថិជនរបស់អ្នកជាមនុស្សប្រភេទណា? ពួកគេ ចូលចិត្តអ្វី? និងមិនចូលចិត្តអ្វី? ដើម្បីងាយស្រួលធ្វើឱ្យការទំនាក់ទំនងនោះ រឹតស្អិតរមួតថែមមួយកម្រិតទៀតផងដែរ។

ទាំងសេវាកម្ម ឬផលិតផលត្រូវតែមានគុណភាព

ចំពោះបញ្ហាគុណភាពរបស់សេវាកម្ម ឬផលិតផលវាពិតជាសំខាន់ខ្លាំងណាស់ ដែលម្ចាស់អាជីវកម្មគ្រប់រូបគួរយកចិត្តទុកដាក់បំផុតដើម្បីប្រាកដថាវាគ្មាន បញ្ហាអ្វីមួយដែលអាចប៉ះដល់អារម្មណ៏របស់អតិថិជន។ ក្នុងនោះរឿងដែល សំខាន់គឺ ឥរិយាបទបុគ្គលិករបស់អ្នក ត្រូវតែមានភាពសមរម្យ រក្សានូវតម្លៃ ខ្លួនឯង និងតម្លៃរបស់ក្រុមហ៊ុន ដែលនឹងមិនធ្វើឱ្យអតិថិជន មានការមិនពេញ ចិត្តចំពោះសេវាកម្ម ឬផលិតផលរបស់ក្រុមហ៊ុន។

ផ្តោតលើគុណភាព

តើនរណាដែលមិនចង់បានរបស់ដែលមានគុណភាពខ្ពស់នោះ? ដូចជាមិនសូវមានទេ មែនអត់? កុំសូម្បីតែអ្នកដែលមិនសូវមានប្រាក់ដើម្បីទិញរបស់ល្អក៏ដោយ ក៏ពួកគាត់ចង់ ប្រើប្រាស់របស់មានគុណភាពដែរ។ ដូចនេះហើយ ការផ្ដោតសំខាន់ទៅលើ គុណភាព គឺជារឿងដំបូងដៃបំផុតដែលម្ចាស់អាជីវកម្មត្រូវតែប្រុងប្រយ័ត្នបំផុត ហើយអ្នកក៏គួរតែនាំយករបស់ដែលមានគុណភាពមកផ្តល់ឱ្យអតិថិជន ជាជាងចង់ចំណេញច្រើនហើយកាត់បន្ថយគុណភាពនៃផលិតផលនោះ ស៊ូចំណេញតិច តែមានអតិថិជនច្រើន តែកុំបានចំណេញច្រើន ហើយត្រូវបិទ ទ្វានោះទេ។

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។