សត្វកន្ធាយយក្សមួយក្បាល ត្រូវមនុស្សមួយក្រុមនាំគ្នាឡើងជិះ មើលទៅគួរឲ្យអាណិតជាខ្លាំង

យោងតាមសារព័ត៌មានមួយបានឲ្យដឹងថា វីដេអូគេថតបាននៅឆ្នេរសមុទ្រប្រទេសឥណ្ឌូណេស៊ី កាលពីថ្ងៃសុក្រកន្លងទៅ បង្ហាញឲ្យឃើញពីសត្វកន្ធាយសមុទ្រទំហំយក្សមួយក្បាល ត្រូវបានគេឲ្យដឹងថាដើរឆ្លងកាត់ឆ្នេរដើម្បីរកកន្លែងពង នៅពេលប្រជាជននៅតំបន់នោះឃើញបែបនេះ ពួកគេមួយក្រុមក៏បានឡើងជិះលើខ្នងលេងយ៉ាងរំភើយដោយមិនអាណិតសត្វសូម្បីបន្តិច។

សត្វកន្ធាយយក្សជាប្រភេទសត្វត្រូវបានគេសម្លាប់ស្ទើរជិតផុតពូជនេះ បានវារទាំងអស់កំលាំង នៅពេលមនុស្សមួយក្រុមព្យាយាមជិះពីខាងលើខ្នងវា។

នៅក្នុងវីដេអូបង្ហាញឲ្យឃើញពីមនុស្សប្រុសមានមាឌធំៗ ចំណាស់ៗអង្គុលលើវា ឈរលើវា ហើយថែមទាំងយោលខ្លួនលើវាដូចរាំនៅក្នុងក្លិបទៅហើយ ឯបុរសម្នាក់ទៀតអង្គុយដាក់ជើងលើក្បាលវា ហើយហូបនំធ្វើមិនដឹងមិនខ្វល់ថែមទៀត។ មើលទៅសត្វកន្ធាយហាក់អស់កំលាំងយ៉ាងខ្លាំងទម្រាំវារដល់ក្នុងទឹកវិញ។ វីដេអូនោះត្រូវបានគេចែកចាយពេលបណ្ដាញសង្គមយ៉ាងព្រោងព្រាត ហើយអ្នកលេងបណ្ដាញសង្គមជាច្រើនមានចិត្តខឹងចំពោះបុគ្គលមួយក្រុមនោះជាខ្លាំង៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។