មណ្ឌលគីរី គឺជាកន្លែងដ៏ល្អមួយសម្រាប់ដើរលេងកម្សាន្តក្នុងអំឡុងពេលវិស្សមកាលរបស់អ្នក។ សែនមនោរម្យ គឺជាទីក្រុងនៃខេត្តនេះ ដែលវាស្ថិតនៅភាគខាងកើត និងមានចម្ងាយ ៣៧០ គីឡូម៉ែត្រពីទីក្រុងភ្នំពេញ។

សម្រាប់មធ្យោបាយធ្វើដំណើរទៅកាន់ខេត្តនេះវិញក៏មានច្រើនសន្ធឹកដែរ។ អ៊ីចឹង! មកមើលទាំងអស់គ្នាថាតើមានមធ្យាបាយអ្វីខ្លះ និងជ្រើសរើសធ្វើដំណើរតាមវិធីមួយណាល្អ?

១, រថយន្តឈ្នួលធុនតូច (Mini Bus)

ឥឡូវនេះ មានក្រុមហ៊ុនធំៗចំនួនពីរ ដែលយើងអាចណែនាំអ្នកដែលផ្តល់ជូននូវរថយន្តឈ្នួលធុនតូច ១២ កៅអី ដែលមានល្បឿនលឿន និងមានផាសុកភាពធ្វើដំណើរពីភ្នំពេញទៅទីក្រុងសែនមនោរម្យ។ វីរៈប៊ុនថាំ និងរិទ្ធីមណ្ឌលគីរីអ៊ិចប្រេស។ ជាទូទៅពួកគេចំណាយពេល ៥ទៅ ៦ម៉ោង ក្នុងការធ្វើដំណើរដើម្បីទៅដល់គោលដៅ។ ពួកគេមានការឈប់ចតពីរដង១ ទៅ ២ដងនៅតាមផ្លូវដើម្បីឲ្យអ្នកដំណើរអាចសម្រួលឥរិយាបថបាន។

២, ឡានក្រុងពេលយប់ (Night Bus)

វីរៈប៊ុនថាំ មានឡានក្រុងពេលយប់ដែលចាកចេញពីភ្នំពេញនៅម៉ោង ៧ និង ៣០ នាទីយប់ ហើយមកដល់ទីក្រុងសែនមនោរម្យនៅម៉ោង ២-៣ ព្រឹក។ នៅទីនោះ មានសណ្ឋាគារខ្លះបើកនៅពេលនេះ និងហាងអាហារពីរបីកន្លែងដើម្បីទទួលទានអាហារ។

៣, រថយន្តឯកជន (Private Taxi)

ប្រសិនបើអ្នកចង់បានការធ្វើដំណើរជាលក្ខណៈឯកជន ឬត្រូវការចាកចេញពីភ្នំពេញយឺតនៅពេលរសៀល។ ដើម្បីទៅដល់ខេត្តមណ្ឌលគិរី អ្នកអាចជ្រើសរើសប្រើឡានឯកជនជាការល្អ។ ការធ្វើដំណើរគួរតែចំណាយពេល៦ ម៉ោង។ ចំពោះតម្លៃវិញគឺមានតម្លៃថ្លៃបន្តិច គឺក្នុងឡានមួយមានតម្លៃ ១៤០ ដុល្លារ (សម្រាប់តែផ្លូវទៅ) តែបើអ្នកមានគ្នាទៅជាមួយច្រើន វាក៏អាចកាត់បន្ថយនៃការចំណាយរបស់អ្នកផងដែរ។

(ប្រភពរូបភាព៖ Google)

អត្ថបទដោយ៖ ទីទី