យោង​តាម​ការ​ចុះផ្សាយ​របស់​គេហទំព័រ​ ​Topuniversities.com​ ​ដែល​ជា​គេហទំព័រ​វាយតម្លៃ​ ​និង​ជំនាញ​ខាង​ចាត់​ថ្នាក់​ក​ម្រិ​ត​ស្ដ​ង់​ដា​គ្រឹះស្ថានសិក្សា​ ​បាន​បង្ហាញ​ឲ្យដឹង​សាកល​វិទ្យាល័យ​ដែល​ល្អ​ជាងគេ​ទាំង១០លើ​ពិភពលោក​ក្នុង​ឆ្នាំ២០១៨​៖​ ​

​១​.​វិទ្យាស្ថាន​បច្ចេកវិទ្យា​ម៉ាស្សា​ជូ​សែត​ ​(​Massachusetts​ ​Institute​ ​of​ ​Technology​)​ ​៖​ ​វិទ្យាស្ថាន​នេះ​ត្រូវ​បាន​គេ​ហៅ​កាត់​ថា​ ​MIT​ ​ដែល​ស្ថិត​ក្នុង​ទី​ក្រុង​ខែ​ម​ប្រី​ជ​(​Cambridge​)​ ​រដ្ឋ​ម៉ាស្សា​ជូ​សែត​(​Massachusetts​ ​state​)​ ​សហរដ្ឋអាមេរិក​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨៦១​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​គឺ​ ​៤៩៨៩២​$​។​

​២​.​សាកល​វិទ្យាល័យ​ស្ទែ​ន​ហ្វ​ត​ ​(​Stanford​ ​University​)​ ​៖​ ​សាកល​នេះ​ស្ថិតនៅ​ចម្ងាយ​ប្រហែល៥៦គីឡូម៉ែត្រ​ពី​ភាគ​ខាងត្បូង​ទីក្រុង​សាន់​ហ្វ្​រាន់​ស៊ី​ស្កូ​ ​(​San​ ​Francisco​)​ ​រដ្ឋ​កា​លី​ហ្វ​ញ៉ា​(​California​)​ ​សហរដ្ឋអាមេរិក​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨៨៥​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​គឺ​ ​៥១៣៥៤​$​។​

​៣​.​សាកល​វិទ្យាល័យ​ហា​វ៉ដ​ ​(​Harvard​ ​University​)​ ​៖​ ​សាកល​វិទ្យាល័យ​នេះ​ស្ថិត​ក្នុង​ទី​ក្រុង​ខែ​ម​ប្រី​ជ​(​Cambridge​)​ ​រដ្ឋ​ម៉ាស្សា​ជូ​សែត​(​Massachusetts​ ​state​)​ ​ប្រហែល៤.៨គីឡូម៉ែត្រ​ពី​ភាគ​ពាយ័ព្យ​នៃ​ទី​ក្រុង​ប៉ូស្​ដុន​(​Boston​)​ ​សហរដ្ឋអាមេរិក​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៦៣៦​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​គឺ​ ​៦៥៦០៩​$​។​

​៤​.​វិទ្យាស្ថាន​បច្ចេកវិទ្យា​កា​លី​ហ្វ​ញ៉ា​ ​(​California​ ​Institute​ ​of​ ​Technology​)​ ​៖​ ​សាលា​នេះ​ត្រូវ​បាន​គេ​ហៅ​កាត់​ថា​ ​Caltech​ ​ស្ថិត​ក្នុង​ទីក្រុងPasadena​ ​រដ្ឋ​កា​លី​ហ្វ​ញ៉ា​ ​សហរដ្ឋអាមេរិក​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨៩១​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​ ​គឺ​ចន្លោះ​ពី​ ​៥២២៣៣​$​ ​ទៅ៥៤៦០០​$​។​

​៥​.​សាកល​វិទ្យាល័យ​ខែ​ម​ប្រី​ជ​ ​(​University​ ​of​ ​Cambridge​)​ ​៖​ ​សាកល​វិទ្យាល័យ​នេះ​ស្ថិត​ក្នុង​កណ្ដាល​ទី​ក្រុង​ខែ​ម​ប្រី​ជ​(​Cambridge​)​ ​ប្រទេស​អង់គ្លេស​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១២០៩​ ​ដែល​ឈរ​លើ​លេខរៀង​ទី៤នៃ​សាកល​វិទ្យាល័យ​ ​ដែល​ចំណាស់​ជាងគេ​បំផុត​លើ​លោក​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​សម្រាប់​សិស្ស​បរទេស​ ​គឺ​ចន្លោះ​ពី៣២៨០០​$​ ​ទៅ៤៥៩០០​$​។​

​៦​.​សាកល​វិទ្យាល័យ​អុក​ហ្វ​ដ​ ​(​University​ ​of​ ​Oxford​)​ ​៖​ ​សាកល​វិទ្យាល័យ​នេះ​ស្ថិត​កណ្ដាល​ទីក្រុង​អ​ក​ហ្វ​ដ​(​Oxford​)​ ​ប្រទេស​អង់គ្លេស​។​ ​វា​ត្រូវ​បាន​បង្កើត​ឡើង​ក្នុង​សតវត្ស​ទី១១​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​ ​សម្រាប់​សិស្ស​បរទេស​ ​គឺ​ចន្លោះ​ពី៣២៨០០​$​ ​ទៅ៤៥៩០០​$​។​

​៧​.​សាកល​មហា​វិទ្យាល័យ​ឡុ​នដុន​ ​(​University​ ​College​ ​London​)​ ​៖​ ​សាកល​វិទ្យាល័យ​នេះ​ស្ថិត​កណ្ដាល​ទី​ក្រុង​ឡុ​នដុន​ ​នៃ​ប្រទេស​អង់គ្លេស​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨២៦​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​សម្រាប់​សិស្ស​បរទេស​គឺ​ ​២២១៨៤​$​ ​ទៅ៤១៧២០​$​។​​៨​.​សាកល​វិទ្យា​អ៊ី​ម​ផឺ​រៀល​ឡុ​នដុន​ ​(​Imperial​ ​College​ ​London​)​ ​៖​ ​សាកល​វិទ្យាល័យ​នេះ​ស្ថិតនៅ​ទី​ក្រុង​ឡុ​នដុន​ ​ប្រទេស​អង់គ្លេស​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៩០៧​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ​សម្រាប់​សិស្ស​បរទេស​ ​គឺ​ប្រហែល៣៦៦០៥​$​។​ ​

​៩​.​សាកល​វិទ្យាល័យ​ឈី​កា​ហ្កូ​ ​(​University​ ​of​ ​Chicago​)​ ​៖​ ​សាកល​វិទ្យាល័យ​នេះ​ស្ថិតនៅ​កណ្ដាល​ទីក្រុង​ឈី​កា​ហ្កូ​ ​សហរដ្ឋអាមេរិក​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨៥៦​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​ក្នុង​មួយឆ្នាំ៥៣៦៤៩​$​។​ ​

​១០​.​វិទ្យាស្ថាន​បច្ចេកវិទ្យា​សហ​ព័ន្ធ​ស្វ៊ី​ស​ ​(​ETH​ ​Zurich​ ​–​ ​Swiss​ ​Federal​ ​Institute​ ​of​ ​Technology​)​ ​៖​ ​សាកល​វិទ្យាល័យ​នេះ​ស្ថិតនៅ​ ​ក្នុង​ទី​ក្រុង​ហ្សួ​រ៉ិច​(​Zurich​)​ ​ប្រទេស​ស្វ៊ី​ស​។​ ​វា​ត្រូវ​បាន​បង្កើត​ឡើង​ក្នុង​ឆ្នាំ១៨៥៥​។​ ​សម្រាប់​ថ្នាក់​បរិញ្ញាបត្រ​ពេញ​ម៉ោង​ ​តម្លៃ​សិក្សា​និង​ការចាយវាយ​ស្នាក់​នៅ​ផ្សេង​ៗ​ ​ក្នុង​មួយឆ្នាំ​ជាមធ្យម​អាច​ចំណាយ​អស់​ ​២១៧៦៥​$​៕