ប្រាសាទបន្ទាយឆ្មា​ជា​ប្រាសាទ​ដែល​ត្រូវ​បាន​កសាង​ឡើង​ពី​ចុង​សតវត្សរ៍​ទី១២ដល់​ដើម​សតវត្សរ៍​ទី១៣​ ក្នុងរជ្ជកាល​ព្រះបាទ​ជ័យវរ្ម័នទី៧​ ដើម្បី​ឧទ្ទិស​ដល់​បុត្រា​ និង​មេទ័ព៤នាក់​របស់​ព្រះអង្គ​ដែល​បាន​ពលី​នៅក្នុង​សមរភូមិ​ដេញ​ចាម​នៅ​ឆ្នាំ១១៧៧​។ ​

ប្រាសាទ​បន្ទាយ​ឆ្នារ​ មាន​ទីតាំង​ស្ថិតនៅ​ ភូមិ​បន្ទាយឆ្មារ​ ឃុំ​បន្ទាយឆ្មារ​ ស្រុក​ថ្មពួក​ ខេត្ត​បន្ទាយមានជ័យ​ និង​មាន​ចំងាយ​ប្រមាណ៧គីឡូម៉ែត្រ​ពីទី​ប្រជុំជន​ខេត្ត​បន្ទាយមានជ័យ​ខាងជើង​។ប្រាសាទ​ បន្ទាយឆ្មារ​កសាង​ចុង​សតវត្សរ៍​ទី១២​ និង​ដើម​សតវត្សរ៍​ទី១៣​ ស្ថិតនៅ​ឃុំ​បន្ទាយឆ្មារ​ ស្រុក​ថ្មពួក​ ខេត្ត​ បន្ទាយមានជ័យ​ ។

ប្រាសាទបន្ទាយ​ឆ្មារ​ស្ថិតនៅ​ជិត​ជួរភ្នំ​ដងរែក​ មាន​ទីតាំង​ក្នុង​ភូមិ​បន្ទាយឆ្មារ​ ឃុំ​បន្ទាយឆ្មារ​ ស្រុក​ថ្មពួក​ ខេត្ត​បន្ទាយមានជ័យ​។ ប្រាសាទ​នេះ​មាន​ចម្ងាយ​ប្រមាណ​ ១១០​ គី​ទ្បូ​ម៉ែត្រ​ ភាគ​ពាយព្យ​នៃ​អតីត​រាជធានី​អង្គរ​។ ប្រសាទ​បន្ទាយឆ្មារ​គឺជា​ប្រាសាទ​ដែល​មាន​ក្បាច់រចនា​យ៉ាង​ល្អ​ប្រណិត​។

ប៉ុន្តែ​ជាអកុសល​រូប​បដិមា​ក្នុង​ប្រាសាទ​នេះ​ជាច្រើន​ត្រូវ​គេ​លួច​យក​ទៅ​លក់​ឲ្យ​បរទេស​ក្នុង​អំឡុង​សង្គ្រាមអូសបន្លាយ​នៅ​កម្ពុជា​។ សព្វថ្ងៃ​នេះ​ រាជរដ្ឋាភិបាល​កម្ពុជា​កំពុង​យកចិត្ត​ទុកដាក់​ថែរក្សា​សំណង់​ប្រាសាទ​ ដោយមាន​ការ​ជួសជុល​ ក៏ដូចជា​ជំរុញ​ផ្សព្វផ្សាយ​ពី​តម្លៃ​ជា​ប្រវត្តិសាស្ត្រ​នៃ​ប្រាសាទ​នេះ​ដែល​ជា​វត្ថុ​ទាក់ទាញ​ដ៏​សំខាន់​ក្នុង​ខេត្ត​បន្ទាយមានជ័យ​។