ដំឡួងណព៍ស្វាយ​វាមានរូបរាងស្រដៀងដំឡូងសនិងដំឡូងជ្វាវាខុសគ្នាបន្តិចបន្តួចព្រោះដំឡូងពណ៍ស្វាយគេអាចយកវាមកធ្វើជាបង្អែមនិងការកែច្នៃផ្សេងៗដែលជួយដល់សុខភាពអ្នកទូទៅបានយ៉ាងច្រើន។

ដំឡូងពណ៍ស្វាយមានផ្ទុកវីតាមីនាអេ វីតាមីនស៊ី ហ្វៃប៊ឺ កាបូនហ៊ីដ្រាត កាល់ស្យូម ប៉ូតាស្យូម និងសារធាតុរ៉ែសំខាន់ៗជាច្រើនមុខទៀត។ហេតុនេះហើយទើបដំឡូងពណ៍ស្វាយអាចជួយសុខភាពអ្នកបានយ៉ាងច្រើនគួរឱ្យកត់សម្គាល់។

នេះជាអត្ថប្រយោជន៍ជាច្រើនរបស់ដំឡូងពណ៍ស្វាយ៖

-     អាចជួយសម្រកទម្ងន់និងជួយដល់អ្នកដែលមានរូបរាងស្គមស្គាំងអស់កម្លាំងដែលមានវីតាមីនជាច្រើនដើម្បីជួយទនុកបម្រុង

-     វាជួយដល់សម្រស់របស់អ្នកឱ្យស្បែកស្អាតភ្លឺរលោងចេញពីខាងក្នុងតែម្តង

-     នៅក្នុងដំឡូងពណ៍ស្វាយក៏មានផ្ទុកសារធាតុប្រឆាំងរលាកនិងជួយការពាររាងកាយពីពពួកបាក់តេរីពីជំងឺឆ្លងផងដែរ

-     ជួយអ្នកដែលមានជំងឺលើសឈាមឫឡើងសម្ពាធឈាមដោយសារតែវាមានផ្ទុកសារធាតុរ៉ែសំខាន់ៗនិងអុកស៊ីតកម្មដែលជួយការពារការកើនឡើងសម្ពាធឈាមហើយកាត់បន្ថយហានិភ័យនៃជំងឺលើសឈាមថែមទៀតផង

-     សារធាតុប្រឆាំងអុកស៊ីតកម្មនៅក្នងដំឡូងពណ៍ស្វាយអាចការពារប្រព័ន្ធភាពសុំានៃរាងកាយឱ្យកាន់តែរឹងមាំ ជួយការពាររាងកាយពីមេរោគនិងជំងឺផ្សេងៗ

-     ជួយកាត់បន្ថយហានិភ័យនៃជំងឺមហារីក និងជំងឺមហារីកកាចសាហាវបានយ៉ាងច្រើនប្រភេទ

-     វិតាមីនជាច្រើននិងបេការ៉ូទីនជួយជំនួយដល់បេះដូងទូទៅនិងអ្នកមានជំងឺបេះដូង

-     ដំឡូងនេះត្រូវបានគេណែនាំឱ្យអ្នកដែលមានជំងឺទឹកនោមផ្អែមបរិភោគព្រោះវាអាចជួយកាត់បន្ថយកម្រិតជាតិស្ករក្នុងឈាម ធ្វើឱ្យជាតិស្ករក្នុងឈាមដំណើរការល្អនិងមិនប៉ះពាល់ដល់សុខភាពអ្នកដែលកើតជំងឺទឹកនោមផ្អែម។​

-     ការពារដល់ជំងឺផ្លូវដង្ហើម និង​ការពារការកើតឡើងវិញនៃការលាប់នៃជំងឺហឺត

-     វាជួយឱ្យចលនាលំហូរឈាមល្អនិងរត់សព្វពាសពេញរាងកាយ

-     ជំនួយដល់សុខភាពក្រពះពោះវៀននិងជួយឱ្យរំលាយអាហារបានល្អ

-     លោកអ្នកក៏អាចបានទទួលទានដំឡូងនេះជំនួសបាយសម្រាប់អ្នកដែលតមអាហារនិងចង់សម្រកទម្ងន់ ឫអ្នកដែលមិនចង់ទទួលទានបាយ។