អបអរសាទរ! រកឃើញម្ចាស់ម្កុដ Miss Grand Cambodia 2019 ហើយ ទាំងស្អាត ទាំងមានសមត្ថភាពព្រមគ្នាតែម្ដង

#Miss Grand Cambodia# #កម្សាន្ត# #តារាខ្មែរ#

30299

Miss Grand Cambodia 2019 បានស្វែងរកឃើញនូវម្ចាស់មកុដហើយកាលពីរាត្រីថ្ងៃទី១៩ ខែកញ្ញា បន្ទាប់ពីជម្រុះយ៉ាងស្វិតស្វាញនូវបេក្ខភាពចំនួន២៩រូបរូចមក ។ ម្ចាស់ជ័យលាភីគឺបានទៅលើ កញ្ញា ដេត ស្រីនាថ ពាក់ស្លាកលេខ២៣ និង ជ័យលាភីលេខ២ បានទៅលើ កញ្ញា សាន ស៊ីវលីង ជ័យលាភីលេខ៣ បានទៅលើកញ្ញា ទូច ម៉េងលាង។

គួរបន្ថែមផងដែរថា Miss Grand Cambodia 2019 កញ្ញា ដេត ស្រីនាថ មានអាយុ១៨ឆ្នាំ កម្ពស់ ១៦៥cm ហើយបច្ចុប្បន្នកំពុងសិក្សាថ្នាក់ទី១២ នៅសាលាអន្តរទ្វីបអាមេរិកាំង AIS។ លើសពីនេះបវរកញ្ញាជ័យលេភីលេខ១រូបនេះ ក៏ជាគ្រូបង្រៀនភាសាអង់គ្លេសផងដែរ។ ស្រីនាថ មិនត្រឹមតែមានរូបសម្បត្តិស្រស់ស្អាតទេ កញ្ញាថែមទាំងអាចនិយាយភាសាអង់គ្លេសបានយ៉ាងល្អ មានសមត្ថភាពជាច្រើនទៀត ដូចជា រាំរបាំបុរាណខ្មែរ បកស្រាយបទចម្រៀង លេងឧបករណ៍តន្រ្តីព្យាណូ និងដើរម៉ូដទៀតផង។

បញ្ជាក់ពីលើនេះ កញ្ញា ដេត ស្រីនាថ នឹងក្លាយជាបវរកញ្ញាតំណាងប្រទេសកម្ពុជាទៅប្រកួតក្នុងកម្មវិធី Miss Grand International 2019 នៅប្រទេសវ៉េណេហ្សូអេឡា៕

អត្ថបទ៖ ផេង ផលធិតា រូបភាព៖ Miss Grand Cambodia

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។