TNAOT News
· 2019-10-03
ស្ត្រីជាម្តាយត្រូវចាប់ខ្លួន ពីបទរំលោភបំពានលើកុមារ ជក់បារី និងលើកបោះកូនតូចអាយុ១ខែ
#Sexton# #សង្គម# #អាមេរិក# #ជក់បារី# #មើលកូន# #នយោបាយជាតិ#
779
ស្ត្រីជនជាតិអាមេរិក ដើមកំណើតអាហ្វ្រិក ត្រូវបានប៉ូលិស ចាប់ខ្លួន ដោយសារតែជក់បារីពេលកំពុងមើលកូនតូច និងមានសកម្មភាព មិនល្អចំពោះកូនតូច។
ស្ត្រី ដែលជក់បារីបណ្តើរមើលកូនបណ្តើរ មានឈ្មោះ Tybresha Sexton រស់នៅអាមេរិក ត្រូវបានប៉ូលិសចាប់ខ្លួន ក្រោយពេលឃ្លីបវីដេអូ បង្ហោះតាមបណ្តាញសង្គម ស្តីពីការលើកកូនបោះ ដៃម្ខាង ហើយដៃម្ខាងទៀត កាន់បារីជក់។
សារព័ត៌មាន New York Post បានផ្សាយថា នាង Tybresha Sexton អាយុ២៤ឆ្នាំរស់នៅ Tennessee អាមេរិក រងការចោទប្រកាន់ពីបទ រំលោភបំពានលើកុមារ ដោយលើកកូនបោះនិងជក់បារី នៅក្បែរកូនតូច។ មិនតែប៉ុណ្ណោះនាងបានបោះកូនអាយុ១ខែ ពីដៃ ទៅលើសាឡុង អង្គុយទៀតផង។
អ្នកជិតខាងបានថតសកម្មភាពរបស់នាង រួចបង្ហោះលើបណ្តាញសង្គម រងការថ្កោលទោសយ៉ាងខ្លាំង មិនតែប៉ុណ្ណោះក៏បានប្តឹងប៉ូលិសឲ្យចាប់ខ្លួនផងដែរ។ ពេលប៉ូលិសទៅដល់ផ្ទះ មានក្លិនស្រា និងបារីពេលបន្ទប់នៅក្នុងផ្ទះ។ នាង Sexton នឹងត្រូវ ឡើងទៅកាន់តុលាការនៅថ្ងៃទី៤ ខែតុលា ចំណែក ទារកត្រូវបានជីដូនជាអ្នកមើលថែវិញ៕ ប្រែសម្រួលដោយ៖ MEO
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
យោបល់ទាំងអស់ (0)
គ្មានយោបល់