មិនជឿកុំបង្អាប់ តែរឿងគេងមកចំហៀងខាងឆ្វេង មានប្រយោជន៍របស់វាច្រើនមែន

#គន្លឹះថែទាំសុខភាព# #ខាងឆ្វេង# #សុខភាព# #ប្រយោជន៍# #គេង#

ធម្មតាការគេងរបស់មនុស្សយើង គឺអាចគេងរបៀបណាក៏បាន ឲ្យតែគេងទៅមានផាសុកភាព ប៉ុន្តែតើអ្នកមានដឹងទេថា ការគេងមកចំហៀងខាងឆ្វេងអាចមានអត្ថប្រយោជន៍យ៉ាងច្រើនដែរទេ? ខាងក្រោមនេះខ្ញុំនឹងបង្ហាញអំពីហេតុផលមួយចំនួនចំពោះការគេងបែបនេះ។

១. ជំរុញដល់លំហូរទឹករងៃកាន់តែល្អ

ប្រព័ន្ធទឹករងៃមានតួនាទីសំខាន់ច្រើនណាស់ ហើយរឿងមួយដែលវាធ្វើដែរនោះ គឺការច្រោះជាតិពុលពីក្នុងខ្លួនតែម្តង។ អ្នកជំនាញនិយាយថា ប្រព័ន្ធទឹករងៃនឹងហូរចូលទៅក្នុងបំពង់របស់វានៅផ្នែកខាងឆ្វេងនៃរាងកាយ។ ហេតុដូច្នេះហើយទើបការគេងមកចំហៀងខាងឆ្វេងបានជួយដល់ដំណើរការច្រោះជាតិពុលនេះ។

២. ជួយលំពែងធ្វើការកាន់តែល្អ

លំពែង គឺជាសរីរាង្គដ៏ធំមួយ ហើយវាក៏ជាផ្នែកមួយរបស់ប្រព័ន្ធទឹករងៃដែរ។ ការគេងមកចំហៀងខាងឆ្វេងនឹងជួយលំពែងធ្វើការងាររបស់វាកាន់តែមានប្រសិទ្ធភាព ព្រោះតែលំពែងស្ថិតនៅក្នុងពោះផ្នែកខាងឆ្វេងដែរ។ ការគេងមកឆ្វេងនេះដែរ នឹងជំរុញដល់លំហូរឈាមបែបទំនាញផែនដីចូលទៅកាន់លំពែងដើម្បីធ្វើការច្រោះជាតិពុលតាមតួនាទីរបស់វា។

៣. ជួយពោះវៀនបញ្ចេញកាកសំណល់

បើយើងនិយាយអំពីដំណរភ្ជាប់នៃពោះវៀនធំ និងពោះវៀនធំវិញ គឺស្ថិតនៅផ្នែកខាងឆ្វេងនៃរាងកាយ ដែលកន្លែងនោះមានឈ្មោះថា Ileocecal Valve ឬ IV។ មូលហេតុពិតប្រាកដដៃលថាការគេងមកចំហៀងខាងឆ្វេងអាចជួយជំរុញដល់ការបញ្ចេញកាកសំណល់នោះគឺ តាមរយៈការបញ្ជូនកាកសំណល់ពីពោះវៀនតូចមកពោះវៀនធំកាន់តែលឿន ក្នុងសកម្មភាពទំនាញផែនដី។

៤. មិនឲ្យស្ទះក្នុងថ្លើម

ដោយសារថ្លើមស្ថិតនៅផ្នែកខាងស្តាំងនៃរាងកាយ ដូច្នេះវាទំនងជាងាយនឹងស្ទះណា ស់ខណៈពេលដែលអ្នកចំណាយពេលវេលាច្រើនម៉ោងគេងចំហៀងខាងស្តាំ។ ការគេងមកចំហៀងខាងឆ្វេងប្រហែលជាជួយជំរុញដល់ជាតិពុល និងសារធាតុផ្សេងៗអាចចូលទៅលសាងសម្អាតក្នុងថ្លើមបាន មុនពេលបញ្ចេញចោលវិញ។

៥. មានប្រយោជន៍ចំពោះស្រ្តីមានផ្ទៃពោះ

ខណៈពេលដែលស្រ្តីមានផ្ទៃពោះគេងមកខាងស្តាំគ្មានអ្វីជាបញ្ហាចោទនោះ តែការជ្រើសរើសគេងមកខាងឆ្វេងវិញប្រហែលជាមានប្រយោជន៍ច្រើនវិញ ជាពិសេសនៅក្នុងត្រីមាសចុងក្រោយតែម្តង។ វានឹងមិនដាក់សម្ពាធទៅលើថ្លើម និងជំរុញដល់របត់ឈាមរត់កាន់តែល្អក្នុងពេលមានផ្ទៃពោះ៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។