គ្រឿងផ្សំ៖

-កង្កែប ៤ក្បាលធាត់

-ស្លឹកម្រះព្រៅ ១បាច់

-ស្ករស ១ស្លាបព្រាកាហ្វេ

-ទឹកត្រី ១ស្លាបព្រាបាយ

-ម្ទេស(ដាក់ក៏បានមិនដាក់ក៏បាន តាមចំនូលចិត្តរបស់អ្នក)

-អំបិល ម្សៅស៊ុបមាន់ ០.៥ ស្លាបព្រាកាហ្វេ

-ខ្ទឹមស ៤កំពឹស

-គ្រឿងបុក ១០០ក្រាម

-សណ្តែកដីលីង បកសំបកចេញ ១៥០ក្រាម

-ខ្ទឹមក្រហម ១ដុំ

វិធីធ្វើ៖

-កាប់កង្កែបតូចៗ រឺចិញ្ច្រាំក៏បាន

-យកខ្ទះដាក់លើភ្លើងអោយក្តៅ ហើយចាក់ប្រេងឆា បំពងខ្ទឹមអោយឆ្ងុយ ហើយដាក់គ្រឿងបុកឆាអោយក្លិនឈ្ងុយ ប្រែពណ៍ក្រហមក្រៀមបន្តិច

-ចាក់កង្កែប ស្ករស ម្សៅស៊ុប អំបិល ហើយឆាត្រលប់ចុះឡើងអោយឆ្អិនសាច់ ទើបចាក់ទឹកត្រីចូលភ្លក់មើលអោយល្មម ចុងក្រោយបង់ម្រះព្រៅ ម្ទេស ខ្ទឹមក្រហម សណ្តែកដីលីង ជាការស្រេច។

អ្នកអាចបន្ថែមបន្លែដូចជា ត្រពាំង ត្រប់ពុតលំញ៉ង សណ្តែកគួរ រឺម្ទេសប្លោកជាដើម៕