តៃវ៉ាន់/ចិន ៖ ការសិក្សាថ្មីមួយបានរកឃើញថា ដែនម៉ាញេទិចតំបន់ប៉ូលទាំងពីរ ប្រែប្រួលលឿនជាសព្វមួយដង ហើយអាចនាំឱ្យមានមហន្តរាយធ្ងន់ធ្ងរដល់សកលលោកទាំងមូលទៀតផង ។

បើតាមរបាយការណ៍ពីប្រភពព័ត៌មាន Forbes បានឱ្យដឹងថាផែនដីយើងត្រូវបានហ៊ុំព័ទ្ធដោយដែនម៉ាញេទិចដែលមាននាទីជារបាំងការពារផ្ទៃភពទាំងមូលពីភាគល្អិតនៃបន្ទុកអគ្គិសនីដែលភាយចេញពីព្រះអាទិត្យ ។

ដែនម៉ាញេទិចនេះអាចផ្លាស់ប្តូរទិសដៅមិនទៀងទាត់ ។ វាត្រូវបានគេជឿជាក់ថានឹងត្រឡប់មកដូចដើមវិញយ៉ាងសន្សឹមៗក្នុងរយៈពេលរាប់ពាន់ឆ្នាំឯណោះ ។ 

បម្លាស់ប្តូរនៃដែនម៉ាញេទិចត្រង់ចំណុចប៉ូលមិនអាចត្រូវបានព្យាករណ៍ដឹងមុននោះឡើយថាវានឹងទៅជាយ៉ាងម៉េចនោះ ហើយយើងអាចត្រឹមតែសង្ឃឹមថាវានឹងកើតឡើងនាពេលយូរអង្វែងខាងមុខ ដើម្បីទុកពេលឱ្យមនុស្សជាតិទាំងមូលអាចរកឃើញនូវបច្ចេកវិទ្យាជាក់លាក់ណាមួយដែលអាចបញ្ចៀសឱ្យផុតពីមហន្តរាយដែលជាសុបិនអាក្រក់នេះ ៕