ស្នាមប្រហោងលើផ្ទៃមុខវាបណ្ដាលមកពីបញ្ហាកើតមុនដែលបន្សល់នៅស្នាម និងប្រហោងនៅលើផ្ទៃមុខក៏ដូចជាការប្រើប្រាស់ផលិតផលខុសវាជាហេតុបណ្ដាលអោយមានបញ្ហាលើស្បែកមុខផងដែលបញ្ហាទាំងអស់នេះគឺពិបាកក្នុងការព្យាបាលណាស់ត្រូវចំណាយថវិកាច្រើនទៅហាងកែសម្ផស្ស។សំណាងល្អ មានឱសថធម្មជាតិមួយចំនួនអាចជួយអ្នកបានក្នុងការកម្ចាត់ស្នាមប្រហោងយ៉ាងឆាប់រហ័ស។ លោកអ្នកនឹងរីករាយជាមួយផ្ទៃមុខស្អាតក្នុងរយៈពេលដ៏ខ្លី។

ធាតុផ្សំ៖

ថ្នាំពងត្រីវីតាមីន E 2គ្រាប់

ស៊ុតលឿង 1គ្រាប់

របៀបប្រើ៖ គោះស៊ុតយកតែស៊ុតលឿងដាក់ចូលចានមួយ រួចច្របាច់ថ្នាំវីតាមីន E 2គ្រាប់ដាក់ចូល និងកូរឱ្យសព្វចូលគ្នា។ លាងសម្អាតផ្ទៃមុខអ្នកនឹងទឹកក្តៅអ៊ុនៗដើម្បីបើករន្ធស្បែកមុខ ប្រើចុងម្រាមដៃជ្រលក់ចូលក្នុងឱសថខាងលើហើយលាប និងម៉ាស្សាលើផ្ទៃមុខ ពិសេសត្រង់កន្លែងស្នាម និងប្រហោង។ រង់ចាំរយៈពេល20នាទីចាំលាងសម្អាតនឹងទឹកក្តៅឧណ្ហៗ។

ចំណាំ៖ អនុវត្តវិធីនេះឱ្យបាន 2ដងក្នុងមួយសប្តាហ៍ដើម្បីជម្រុះកោសិកាស្បែកចាស់ ប្រឆាំងភាពចាស់ សម្អាតបានជ្រៅទៅក្នុងស្បែក៕