រាជធានីភ្នំពេញ ៖ ចាប់ពីឆ្នាំ២០២០នេះតទៅ ពិធីបុណ្យជាតិ និងអន្តរជាតិមួយចំនួនដែលធ្លាប់ត្រូវបានឈប់សម្រាកកាលពីឆ្នាំ២០១៩ គឺលែងបានឈប់ទៀតហើយ ពោលគឺថ្ងៃឈប់សម្រាកមានតែ២២ថ្ងៃប៉ុណ្ណោះ។

យោងតាមអនុក្រឹត្យ ស្តីពី ប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២០ កាលពីថ្ងៃទី២ ខែសីហា ឆ្នាំ២០១៩ កន្លងទៅ បានបង្ហាញថា ព្រះរាជពិធីបុណ្យចម្រើនព្រះជន្មព្រះមហាក្សត្រ ដែលធ្លាប់តែឈប់៣ថ្ងៃ គឺនៅសល់តែ១ថ្ងៃប៉ុណ្ណោះ ពោលគឺចំថ្ងៃទី១៤ ខែឧសភា។ 

ចំណែកពិធីបុណ្យមួយចំនួនទៀតដែលត្រូវបានដកចេញពីប្រតិទិនឈប់សម្រាករួមមាន៖ មាឃបូជា ទិវានៃការចងចាំ ២០ឧសភា ទិវាកុមារអន្តរជាតិ ១មិថុនា ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស ២៣តុលា និង ទិវាសិទ្ធិមនុស្សអន្តរជាតិ ១០ធ្នូ៕