លោក គីម ជុងអ៊ុន៖ អាមេរិក គឺជា«បងធំក្រុមសង្គមងងឹត»

#ពិភាក្សា# #កូរ៉េខាងជើង# #សង្គម# #អាមេរិក# #បរមាណូ# #នយោបាយជាតិ#

5719

មេដឹកនាំកូរ៉េខាងជើង គីម ជុងអ៊ុន បានប្រកាសថា កូរ៉េខាងជើង មិនអាចប្តូរសេដ្ឋកិច្ច និងសេចក្តីសុខ ជាមួយនឹងសន្តិសុខ អនាគតប្រទេសជាតិនោះឡើយ។ ចាប់តាំងពីចុងឆ្នាំ២០១៩មក លោក គីម ជុងអ៊ុន បានដឹកនាំកិច្ចប្រជុំ រយៈពេល៤ថ្ងៃ ជាមួយមន្ត្រីបក្សពលករកូរ៉េខាងជើង ស្របពេលអាមេរិក មិនបានឆ្លើយតប តាមគម្រោងពិភាក្សា នាចុងឆ្នាំ២០១៩។

លោក គីម ជុងអ៊ុន បានបញ្ជាក់ថា គ្មានអ្វីដែលកូរ៉េខាងជើង ត្រូវផ្អាកកម្មវិធីបរមាណូ និងកាំជ្រួចមីស៊ីលឆ្លងទ្វីបនោះឡើយ។ មេដឹកនាំកូរ៉េខាងជើង បានចោទប្រកាន់អាមេរិក ថា ជាបងធំក្រុមសង្គមងងឹត ដោយបន្តរក្សាគោលនយោបាយ ចងគំនុំ ជាមួយកូរ៉េខាងជើង ដោយបន្តធ្វើសមយុទ្ធជាមួយកូរ៉េខាងត្បូង និងបន្តដាក់ទណ្ឌកម្មមកលើកូរ៉េខាងជើង។

លោក គីម ជុងអ៊ុន បានប្រកាសទៀតថា កូរ៉េខាងជើង នឹងបង្កើនការផលិតបរមាណូ ប៉ុន្តែទ្វារ នៃកិច្ចពិភាក្សានៅតែបើកជានិច្ច។ លោក គីម បានប្រកាសថា ពិភពលោកនឹងបានឃើញអាវុធថ្មីៗជាច្រើន នៅក្នុងពេលដ៏ខ្លីខាងមុខនេះ។ លោក បានបន្តទៀតថា «យើងបានប្តេជ្ញា ថានឹងមិនដោះដូរសន្តិសុខជាតិ កិត្តិយស និងសុវត្ថិភាព ជាមួយភាគីណាមួយនោះឡើយ។

ជាមួយគ្នានេះដែរ កូរ៉េខាងជើង បានព្រមានថា ខ្លួននឹងជ្រើសរើសផ្លូវថ្មី សម្រាប់ដើរបន្ត ប្រសិនបើអាមេរិក មិនមានគម្រោងពិភាក្សាបញ្ចប់ការប្រឈមមុខដាក់គ្នា។ ចាប់តាំងពីឆ្នាំ២០១៨មក កូរ៉េខាងជើង បានជួបពិភាក្សាជាផ្លូវការទ្វេភាគី ចំនួនពីរលើក នៅសិង្ហបុរី នាថ្ងៃទី១២ ខែមិថុនា ឆ្នាំ២០១៩ និង ថ្ងៃទី២៨ខែកុម្ភៈឆ្នាំ២០១៩ នៅទីក្រុងហាណូយ ប្រទេសវៀតណាម។ ក្រៅពីនេះ លោកមេដឹកនាំប្រទេសទាំងបី កូរ៉េខាងជើង ខាងត្បូង និងអាមេរិក បានជួបពិភាក្សាគ្នា រយៈពេលខ្លី ក្រៅផ្លូវការ នៅថ្ងៃទី៣០ ខែមិថុនា ឆ្នាំ២០១៩ នៅតំបន់ព្រំដែនគ្មានយោធាកូរ៉េទាំងពីរ៕ ប្រែសម្រួលដោយ Meo

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។