កញ្ញា ម៉ៃយ៉ា ជាតារាសម្តែង​មួយរូបដែល​ជាកូន​កាត់ ខ្មែរ អាល្លឺម៉ង មួយរយៈ​នេះឃើញថា​សន្ទុះ​ប្រជាប្រិយភាពនៅក្នុង​វិស័យសិល្បៈ​របស់នាង ​ស្ទើរមិន​គួរឲ្យជឿ ទាំង​ខ្សែភាពយន្ត និងថត​សម្អាងការ​​ត្រូវ​ប៉ាន់កាន់តែខ្លាំងឡើងៗ​។

ទន្ទឹមក្នុងនោះផងដែរកញ្ញា ម៉ៃយ៉ា​ បានបង្ហាញភាពលេចធ្លោ គួរឲ្យចង់គយគន់ ក្នុងឈុតសម្លៀកបំពាក់ប្រពៃណីខ្មែរជាម៉ូដចេញថ្មីកំពុងពេញនិយម ដែលមានការតុបតែងមុខយ៉ាងស្រស់ស្អាតអមដោយកាយវិការទន់ភ្លន់សមសួនជានារីខ្មែរពិតៗ។

គួរបញ្ជាក់ថានេះមិនមែនជាលើកទីមួយនោះទេដែលកញ្ញា ម៉ៃយ៉ា គ្រងឈុតបុរាណខ្មែរបែបនេះ​ ជាមួយគ្នានោះផងដែរតារាស្រីខ្មែរកូនកាត់អាល្លឺម៉ង់រូបនេះមិនថាតុបតែងខ្លួនស្លៀកពាក់បែបសម័យឬបុរាណនោះទេ នាងតែងតែទទួលបានការចាប់អារម្មណ៍ និងកោតសរសើរច្រើនពីសំណាក់អ្នកគាំទ្រ៕

អត្ថបទដោយ៖ លក្ខិណា