ស្របពេលដែលពាណិជ្ជករធំៗសង់ផ្ទះសំណាក់ និងសណ្ឋាគារទំនើបៗ មានម៉ាស៊ីនត្រជាក់នៅទីក្រុង សហគមន៍ត្រពាំងសង្កែបានសង់ផ្ទះសំណាក់ធ្វើពីកូនឈើបិទបាំងដោយស្លឹកចាក នៅក្នុងព្រៃក្បែរមាត់ព្រែកមួយក្នុងខេត្តកំពត អមទៅដោយព្រៃកោងកាង សម្រាប់អ្នកទេសចរបរទេសស្នាក់នៅ ដោយយកតម្លៃសមរម្យ ដើម្បីរកប្រាក់ចំណូលឱ្យយសហគមន៍បន្ថែមទៀត។

សហគមន៍ត្រពាំងសង្កែស្ថិតនៅចម្ងាយប្រមាណ ១០គីឡូម៉ែត្រ ខាងកើតខេត្តកំពត ជាតំបន់មួយនៅក្បែរដៃសមុទ្រ សម្បូរទៅដោយជនជាតិចាមរស់នៅ ដែលពួកគាត់ភាគច្រើនអាស្រ័យផលលើធនធានសមុទ្រ។

ហើយសហគមន៍នេះជាតំបន់ទេចរណ៍មួយ ដែលមានភ្ញៀវទៅលេងកំសាន្ត ទាំងភ្ញៀវជាតិ និងអន្តរជាតិនៅថ្ងៃបុណ្យទាននានា និងថ្ងៃឈប់សម្រាកពីការងារ ៕

ដោយ បុត្រ