មនុស្សច្រើនតែមានភាពលោភលន់ ចង់បាននេះ ចង់បាននោះ ដោយមិនចេះប្រមាណ មិនចេះឆ្អែតឆ្អន់ មិនចេះគ្រប់គ្រាន់ និងមិនចេះស្កប់ស្កល់សោះឡើយ។ កាន់តែមានច្រើន មនុស្សកាន់តែខ្វះច្រើន សេចក្តីស្រេកឃ្លាន ក៏កាន់តែខ្លាំងដូចគ្នា ដែលបណ្តាលឱ្យមនុស្សវេទនាកាន់តែខ្លាំងឡើងៗ។

អាចទេបញ្ឈប់ការដែលធ្វើខ្លួនជាទាសករនៃសេចក្តីលោភលន់ កុំធ្វើខ្លួនឱ្យធ្លាក់ក្នុងជ្រោះនៃភាពចង់បានមិនចេះស្កប់ស្កល់បែបនេះឱ្យសោះ បើមិនដូច្នេះទេក្នុងមួយជីវិតនៃយើងនឹងមិនអាចស្វែងរកនូវសេចក្តីសុខដាក់ក្នុងខ្លួនរបស់យើងបានឡើយ។

បុគ្គលដែលលោភលន់តែងតែហ៊ានធ្វើគ្រប់យ៉ាងដើម្បីបានផលលាភទៅកាន់ខ្លួនគេ ដោយមិនខ្លាចអាប់ឱនកិត្តិយស បាត់បង់កេរ្តិ៍ឈ្មោះ ឬ សូម្បីតែជីវិតក៏គេមិនខ្វល់ខ្វាយនោះដែរ។ ទាំងអស់សបញ្ជាក់ឱ្យឃើញថា សេចក្តីលោភលន់បានបាំងភ្នែករបស់គេមិនឱ្យមើលឃើញអ្វីជាតម្លៃនៃជីវិតបាត់ទៅហើយ៕

អត្ថបទដោយ៖ TingTong