អាណាចក្រ​ក្មេរ​នគរវ្នំ ឬ អាណាចក្រ​ខ្មែរ​នគរភ្នំ​គឺ​រាប់​ចាប់​ពី​សតវត្ស​ទី​១ ដល់ទី៦ នៃ​គ្រិស្ត​សករាជ​។​ អ្នក​ប្រវត្តិ​វិទូ​បាន​បែងចែក បដិមា​កម្ម ឬ​បដិ​សាស្ត្រ និង​ស្ថាបត្យកម្ម​​សម័យ​នគរ​ភ្នំ​ជា​ពីរ​រចនាបថ​មាន​ រចនាបថ​ភ្នំ​ដា និង​រចនាបថ​ថាឡាបរិវ៉ាត់ (​ថាលាបរិវ៌ត = ធារាបវ៌ត= ធារាបព៌ត)។​

រចនាបថ​ថាឡាបរិវ៉ាត់​គឺ​ជា​រចនាបថ​ថ្មី​ដែល​​ ក្រសួង​វប្បធម៌​ និង​អ្នក​ជំនាញ​ទើបបាន​សិក្សា​លម្អិត និងសម្រេចបង្កើតឡើង។ ​​រចនាបថ​នេះ​សិក្សា​ផ្ដោត​លើ​ផ្ដែរ, ការរចនា​ផ្នែក​បដិមា​សាស្ត្រ​ រួម​ទាំង មករ តោ គោ និង រចនា​សម្ព័ន្ធ​ផ្សេង​ៗ​នៃ​ប្រាសាទ ដូចជា​ប្រាសាទ​ភ្នំ​ព្រះ​ធាតុ​ ខេត្ត​ស្ទឹងត្រែង, ប្រាសាទ​បា​ដើម, ​វត្ត​បា​ដើម​ ស្រុក​សេសាន​ ខេត្ត​ស្ទឹងត្រែង និង ប្រាសាទ​ភ្នំ​ឈ្ងោក ខេត្ត​កំពត…ដែល​សុទ្ធ​សឹង​រាប់​បញ្ចូល​ក្នុង​រចនាបថ​ ថាឡាបរិវ៉ាត់​។​

ដូច្នេះ​សរុប​អំពី​រចនាបថ​នៃ​សិល្បៈ​ខ្មែរ​​ទាំងអស់​មាន​ដល់​១៥ រចនាបថ​ដូចជា​៖ ១. ភ្នំ​ដា ២. ថាឡាបរិវ៉ាត់ ៣.​ សំបូរ​ព្រៃ​គុហ៍ ៤. ព្រៃ​ក្មេង ៥. កំពង់​ព្រះ ៦. គូលែន ៧. ព្រះ​គោ ៨. បាខែង ៩. កោះ​កេរ្តិ៍ ១០. ប្រែរូប ១១. បន្ទាយស្រី ១២. ឃ្លាំង ១៣​. បាពួន ១៤. អង្គរវត្ត និង​ ១៥. បាយ័ន​៕